ITEMVIDEOS: షారుక్‌ ఖాన్ లతాజీ పాదాల దగ్గర ఉమ్మివేశాడా? నిజమెంత.?

గాన కోకిల లతా మంగేష్కర్‌ గొంతు శాశ్వతంగా మూగబోయింది. ఇక సెలవంటూ అందరికీ వీడ్కోలు చెప్తూ ఫిబ్రవరి 6న ఉదయం తిరిగిరాని లోకాలకు వెళ్లిపోయింది. ప్రధాని నరేంద్రమోదీతో పాటు పలువురు రాజకీయ నాయకులు, సెలబ్రిటీలు ఆమె ఇంటికి చేరుకుని లతా మంగేష్కర్‌ పార్థివదేహానికి కడసారి నివాళులు అర్పించారు. చాలాకాలంగా మీడియాకు దూరంగా ఉంటున్న బాలీవుడ్‌ స్టార్‌ హీరో షారుక్‌ ఖాన్‌ కూడా లెజెండరీ సింగర్‌ లతాజీకి చివరిసారి వీడ్కోలు పలికేందుకు ముంబైలోని శివాజీ పార్కు వద్దకు వచ్చి నివాళులు అర్పించాడు.

అయితే నివాళులు అర్పించే సమయంలో ఆయన చేసిన పనిపై విమర్శలు వెల్లువెత్తుతున్నాయి. షారుక్‌ తన మేనేజర్‌తో కలిసి లతా మంగేష్కర్‌కు నివాళులు అర్పించేందుకు వచ్చాడు. ఆ సమయంలో సింగర్‌ ఆత్మకు శాంతి చేకూరాలని ప్రార్థిస్తూ, ఒక్క క్షణం పాటు తన ముఖానికి వున్న మాస్క్‌ను కిందకు దించి ఆమె పాదాల దగ్గర ఊసాడని వార్త సోషల్ మీడియాలో వైరల్ అయ్యింది. దీంతో రాకరాక మీడియా ముందుకు వచ్చిన ఆయన వచ్చి రావడంతోనే విమర్శలపాలయ్యాడు. అయితే దీనిపై మాత్రం ఆయన ఏ మాత్రం స్పందించలేదు.

ఇక ఈ వార్తను విపరీతంగా బీజేపి మహారాష్ట్ర అధికార ప్రతినిధి ప్రశాంత్ ఉమ్రావ్ ఈ మేరకు ఫోటోలను తీసి తన ట్విట్టర్ అకౌంట్ లో పెట్టి ప్రచారం చేశారు. అయితే నిజానికి షారుక్ ఖాన్ లతాజీకి దువా చేసిన తరువాత అమెను ఎలాంటి దుష్టశక్తులు ఏమీ చేయకూడదని రుహ్యాక్ (నోటితో అమె పాదల వద్ద గాలిని ఊదడం) చేశారు. దీన్ని తప్పుగా అర్థం చేసుకున్న కొందరు షారుక్‌ లతా పాదాల దగ్గర ఉమ్మేసినట్లు కామెంట్లు చేస్తున్నారు. షారుక్‌ ప్రవర్తనను ఎండగడుతూ ఆయనను ట్రోల్‌ చేస్తున్నారు. దీనిపై పలువురు నెటిజన్లు, బాలీవుడ్‌ సెలబ్రిటీలు స్పందిస్తూ.. షారుక్‌ ఉమ్మేయలేదని, భౌతిక కాయం దగ్గర ఊదడం అనేది ఒక ప్రార్థనా విధానమని ట్రోలర్లపై మండిపడుతున్నారు.

Shah Rukh Khan paying his respects at the last rites of #LataMangeshkar Ji