కార్పొరేట్, ప్రైవేటు సంస్థల్లో ఉద్యోగాలు కావాలంటే వాటికి ధరఖాస్తు చేసే విధానంలోనే కొంత ప్రత్యేకత కనబర్చాలి. ధరఖాస్తుదారులో ఎంత నైపుణ్యం ఉన్నా.. దానిని కాగితంపై పెట్టి అప్లై చేసే విధానంలోనే ముందుగా ఆయా సంస్థల అధికారులను ఆకర్షిస్తాయి. వాటిలో రెజ్యూమే కీలక పాత్ర వహిస్తాయి. దాంతో వారికి వచ్చి స్పందనను బట్టి వారిలోని టాలెంట్ ను పరీక్షిస్తారు. తొలుత రాత పరీక్షలు, గ్రూప్ డిస్కషన్లు, ఇంటర్వ్యూలు దాటుకుని వెళితే అప్పుడు హెఆర్ తో సమావేశం అక్కడ వేతనభత్యాలు నిర్ణయించుకున్న తరువాత ఉద్యోగం ఖరారవుతుంది. అయితే బ్రిటన్ కు చెందిన జోనాథన్ స్విఫ్ట్ అనే నిరుద్యోగి తన బుర్రకు పదునుపెట్టి ఓ ఉద్యోగం సంపాదించిన వైనం అందరినీ ఆకట్టుకుంటోంది.
యార్క్ షైర్ లోని ఇన్ స్టాంట్ ప్రింట్ అనే సంస్థ ఉద్యోగులు కావాలంటూ ప్రకటన ఇచ్చింది. దాంతో జోనాథన్ స్విఫ్ట్ కూడా దరఖాస్తు చేయాలని నిర్ణయించుకున్నాడు. కొంచెం పేరున్న కంపెనీ కావడంతో భారీగానే దరఖాస్తులు వస్తాయని గ్రహించిన అతగాడు, కొత్త పంథాలో వెళ్లాలని నిశ్చయించుకున్నాడు. మామూలుగా రెజ్యూమే పంపితే తనను పట్టించుకోకపోవచ్చని భావించి, ఆ కంపెనీ కరపత్రాలను సేకరించి వాటిపై తన రెజ్యూమే వివరాలు పొందుపరిచాడు. ఆ కరపత్రాలను కంపెనీ ప్రధాన కార్యాలయం వద్దకు తీసుకెళ్లి అక్కడ పార్కింగ్ లో ఉన్న కార్లకు అంటించాడు. ఈ దృశ్యాలు సీసీటీవీల్లో నిక్షిప్తమయ్యాయి.
ఆ ఫుటేజిని పరిశీలించిన ఇన్ స్టాంట్ ప్రింట్ కంపెనీ మార్కెటింగ్ మేనేజర్ క్రెయిగ్ వాస్సెల్... జోనాథన్ స్విఫ్ట్ కార్లకు అంటించిన కరపత్రాలను తెప్పించుకుని చదివాడు. అతడి క్రియేటివిటీకి ముగ్ధుడయ్యాడు. వెంటనే ఇంటర్వ్యూకు ఎంపిక చేయడమే కాదు, ఉద్యోగం కూడా ఇచ్చేశాడు. తమకు ఇలాంటి కొత్తరకం ఆలోచనలు ఉన్నవాళ్లే కావాలని, అందుకే స్విఫ్ట్ ను ఉద్యోగంలోకి తీసుకున్నామని మార్కెటింగ్ మేనేజర్ వాస్సెల్ తెలిపాడు. కాగా, స్విఫ్ట్ తన రెజ్యూమేను కార్లకు అంటిస్తున్న వీడియో ఫుటేజి సోషల్ మీడియాలో ఇప్పుడు వైరల్ అవుతోంది. ఈ వీడియో పంచుకున్నది స్విఫ్ట్ కు ఉద్యోగం ఇచ్చిన ఇన్ స్టాంట్ ప్రింట్ కంపెనీయే.
Here’s some CCTV footage of the #jobseeker in action! He’s been the talk of the office since covering everyone's cars in CVs. I love it when we get a #creativejobapplication - Craig, Marketing Manager pic.twitter.com/OmE5puQgwI
— instantprint (@instantprintuk) January 18, 2022
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more