కేరళలో మరో కొత్తవైరస్ కలకలం రేగింది. నోరో వైరస్ గా పిలువబడే ఈ వైరస్ కేరళలోని వాయనాడ్ జిల్లాలో ప్రబలుతోంది. జంతువుల నుంచి సంక్రమించే ఈ వైరస్ మనుషులకు నీరు, అహారం ద్వారా వ్యాప్తి చెందుతుందని వైద్యులు తెలిపారు. ఈ వైరస్ సోకిన వ్యక్తులతో సన్నిహితంగా మెలిగిన వారికి కూడా నోరో వైరస్ సోకుతుందని అన్నారు. నోరో వైరస్ కేసులను కేరళలోని వాయనాడ్ లో గుర్తించారు. జిల్లాలోని పూకోడ్ సమీపంలోని వైతిరి వద్దనున్న వెటర్నరీ కాలేజీలో రెండు వారాల క్రితం 13 మంది విద్యార్థులకు ఈ వైరస్ సోకింది. దీంతో కేరళలో కొత్త వైరస్ ప్రబలుతోందన్న వార్తలు తెరపైకి వచ్చాయి.
దీనిపై రాష్ట్ర ఆరోగ్య శాఖ మంత్రి వీణా జార్జి స్పందిస్తూ... నోరో వైరస్ పట్ల ప్రజలు అప్రమత్తంగా ఉండాలని అన్నారు. ఈ వైరస్ మరింత ప్రబలకుండా ముందు జాగ్రత్త చర్యలు తీసుకోవాలని, ప్రజల్లో దీని పట్ల విస్తృత స్థాయిలో చైతన్యం కలిగించాలని అధికారులను ఆదేశించారు. వాయనాడ్ లో పరిస్థితిని సమీక్షించేందుకు మంత్రి వీణా జార్జి అధికారులతో సమీక్ష నిర్వహించారు. ఇప్పటివరకు ఎలాంటి ముప్పు లేకపోయినా, ప్రజలు జాగ్రత్తగా ఉండాలని మంత్రి పేర్కొన్నారు. అయితే అరోగ్యవంతులపై ఈ వైరస్ ప్రభావం చూపలేదని.. కాగా పెద్దలు, ఎదుగుతున్న పిల్లలపై మాత్రం ఈ వైరస్ తీవ్ర ప్రభావాన్ని చూపుతోందని అన్నారు.
నోరో వైరస్ లక్షణాలు..
నోరో వైరస్ అనేది అనేక రకాల వైరస్ ల సమూహం. ఇది ప్రధానంగా జీర్ణ వ్యవస్థపై ప్రభావం చూపి అస్వస్థతకు గురిచేస్తుంది. ఉదరం, పేగుల్లోని కీలక పొరను దెబ్బతీస్తుంది. దీని ప్రభావంతో తీవ్రస్థాయిలో వాంతులు, విరేచనాలతో బాధపడతారు. డయేరియా, కడుపు నొప్పి, వాంతులు, వికారం, జ్వరం, తలనొప్పి, ఒళ్లు నొప్పులు వంటి లక్షణాలను ఈ వైరస్ కలిగిస్తుంది. ఈ వైరస్ సోకిన వ్యక్తుల ద్వారా కూడా ఇది వ్యాపిస్తుందని తెలిపారు. ఇతర వ్యాధులతో బాధపడేవారికి నోరో వైరస్ ముప్పుగా పరిణమిస్తుందని నిపుణులు తెలిపారు.
కేరళ అరోగ్యశాఖ విడుదల చేసిన మార్గదర్శకాలు:-
చేతులను భోజనం ముందు, తరువాత పరిశుభ్రంగా కడుకోవడం..
టాయిలెట్ కు వెళ్లొచ్చిన తర్వాత సబ్బుతో శుభ్రంగా చేతులు కడుక్కోవాలి
కులషిత ఆహారాన్ని, నీళ్లను తీసుకోకూవడదు
జంతువుల సన్నిహితంగా వుండేవారు అత్యంత జాగ్రత్తలు పాటించాలి
బావులు, చెరువుల నుంచి నీరు తాగేవారు వాటిని క్లోరినేషన్ చేయాలి.
వేడి చేసి చల్లార్చిన నీటిని మాత్రమే తీసుకోవాలి.
అనారోగ్యంతో బాధపడేవారు కనీసం రెండు రోజులు ఇంటిపట్టునే ఉండాలి.
పండ్ల రసాలను విరివిగా తీసుకోవడం వల్ల ఈ వైరస్ సోకినా త్వరగా బయటపడవచ్చు
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more