ప్రత్యేక రాష్ట్ర కాంక్షను సుసాధ్యం చేసిన ఉద్యమనేత తెలంగాణ ప్రజల్లో ముఖ్యమంత్రి కేసీఆర్ కు వున్న బలమైన ఇమేజే టీఆర్ఎస్ పార్టీకి శ్రీరామరక్షలా ఉందన్నది కాదనలేని వాస్తవం. తెలంగాణ రాష్ట్ర ముఖ్యమత్రి పీఠంపై దళితుడ్ని కూర్చోబెడతానని తాను చేసిన ప్రచారానికి ఆయన కట్టుబడకపోయినా.. తెలంగాణ రైతంగానికి రెండు విడతల చోప్పున సాయం అందించడంతో ఆయనకు మరోమారు రాష్ట్ర ప్రజలు పగ్గాలను అందించారు. కానీ రెండో పర్యాయం ఆయన అధికారంలోకి వచ్చిన తరువాత ఆయన ప్రభుత్వ ఇమేజ్ కు క్రమంగా డ్యామేజ్ జరుగుతోంది. సార్వత్రిక ఎన్నికలలో బీజేపి నాలుగు స్థానాలు, కాంగ్రెస్ మూడు స్థానాల్లో గెలుపోందడంతోనే టీఆర్ఎస్ ప్రతిష్టకు బీటాలు వారాయి.
ఇక టీఆర్ఎస్ పార్టీకి కంచుకోటగా వున్న దుబ్బాక నియోజకవర్గంలో కాషాయ జెండాను రెపరెలాడించడంతో బీజేపి మరింత బలం చేకూరింది. ఈ తరుణంలో టీఆర్ఎప్ పార్టీ డ్యామేజ్ కంట్రోల్ చర్యలకు పూనుకుంది. దుబ్బాక విజయంతో బీజేపి వేళ్లూనుకునే ప్రయత్నాలను ప్రారంభిస్తుందని భావించి జీహెచ్ఎంసీ ఎన్నికలను నిర్ధిష్ట గడవు కన్నా రెండు నెలల ముందుగానే ఎన్నికలను తెరలేపింది. అయితే అసలే మంచి దూకుడు మీదనున్న బీజేపి మాత్రం టీఆర్ఎస్ కన్నా వేగంగా ప్రచారపర్వంలో దూసుకుపోతోంది. రాష్ట్రస్థాయి నాయకుల నుంచి జాతీయ స్థాయి నేతల వరకు అందరినీ రంగంలోకి దింపి గెలుపును అందుకోవాలని వ్యూహాలను రచిస్తోంది. అయితే నిజంగా జాతీయ స్థాయి నాయకులు, అగ్రనేతలు, దిగ్గజాలు దిగినంత మాత్రన గ్రేటర్ హైదరాబాద్ లో బీజేపికి విజయం వరిస్తోందా.. అంటే ఔననక తప్పదు అంటున్నాయి తాజా సర్వెలు.
నిజంగా ప్రస్తుతం హైదరాబాద్ లో ప్రజ పల్స్ కమలం పువ్వు వైపు మొగ్గుచూపుతోందా.? అంటే తాజాగా నిర్వహించిన సర్వేలలో అదే అంచనాలు ప్రస్పుటిస్తున్నాయి, ప్రస్తుతం అధికార టీఆర్ఎస్ ప్రభుత్వానికి జీహెచ్ఎంసీ ఎన్నికలలో పూర్తి మెజారిటీ వుంది. టీఆర్ఎస్ పార్టీకి 99 స్థానాలు, ఎంఐఎం పార్టీకి 44 స్థానాలు, బీజేపికి నాలుగు, టీడీపీకి 2, కాంగ్రెస్ 2, మరో ముగ్గురు స్వతంత్ర్య సభ్యులున్న జీహెచ్ఎంసీలో ఏ పార్టీ ఎన్ని స్థానలను కైవసం చేసుకుంటుందని అంచనా వేయగా, చాణక్య, సారంశ డేటా స్ట్రాటజీస్ సంస్థలు నిర్వహించిన సర్వేలలో వచ్చిన అంచనాలు గ్రేటర్ హైదరాబాద్ ప్రజలను ఆశ్చర్యపరుస్తున్నాయి, నిజంగా హైదరాబాద్ ప్రజలు బీజేపిని కోరుకుంటున్నారని అంచనాలు స్పష్టం చేస్తున్నాయి.
గ్రేటర్ పరిధిలో నిర్వహించిన సర్వే ప్రకారం ఏకంగా 36 వేల మంది ప్రజలను సారంశ్ డేటా స్ట్రాటజీస్ సంస్థ సర్వే చేయగా, గ్రేటర్ పరిధిలోని 38.9శాతం మంది బీజేపికే పగ్గాలను అందించాలని కోరుకుంటున్నారని.. దీంతో గ్రేటర్ ఎన్నికలలో బీజేపికి ఏకంగా 84 నుంచి 88 స్థానాలు కైవసం చేసుకోవచ్చునని అంచనా వేసింది. ఇక అధికార టీఆర్ఎస్ పార్టీకి 31.5 శాతం మంది ప్రజలు అనుకూలంగా వున్నారని ఫలితంగా ఆ పార్టీకి 35-39 స్థానాలు రావచ్చునని అంచనా వేసింది. ఇక పాతబస్తీలోని మజ్లిస్ పార్టీకి 11.5శాతం ఓట్లతో 25-30 స్థానాలు రావచ్చునని అంచనా వేసింది. అదే తరుణంలో కాంగ్రెస్ పార్టీకి 6.7శాతం ఓట్లతో 4-7 స్థానాలు, టీడీపీకి 2.1 శాతం ఓట్లతో 2-3 స్థానాలు, కాగా, 9.3 శాతం ఓట్లతో 0-2 స్థానాల్లో స్వత్రంత్రులు విజయం సాధించవచ్చునని అంచనా వేసింది. ఈ అంచనాలను ఈ నెల 19 నుంచి 23 మధ్య సేకరించినవని తెలిపింది.
ఇక ఇదే సమయంలో చాణక్య నిర్వహించిన సర్వేలోనూ అదే తరహాలో అంచనాలు వ్యక్తమయ్యాయి, బీజేపికి 46.2 శాతం ఓట్లతో 90 - 96 స్థానాలు కైవసం చేసుకుంటుందని అంచనా వేసింది. రెండో స్థానంలో మజ్లిస్ 19.1శాతం ఓట్లతో 30-35 స్థానాలు కైవసం చేసుకుంటుందని, ఆ తరువాత టీఆర్ఎస్ పార్టీ 16.9 శాతం ఓట్లతో 24-29 స్థానాలను కైవసం చేసుకుంటుందని అంచనాలు తెలిపాయి, ఇక కాంగ్రెస్ పార్టీ 10.7శాతం ఓట్లతో 4 నుంచి 6 స్థానాలను కైవసం చేసుకోవచ్చునని.. ఇతరులు 7.1 శాతం ఓట్లతో 3- 5 స్థానాల్లో విజయం సాధించవచ్చేనని చాణక్య సర్వే అంచనా వేసింది.
ఇక క్రౌడ్ విస్ డమ్ 360 నివేదిక ప్రకారం టీఆర్ఎస్ పార్టీకి 37 - 41శాతం ఓట్లు, బీజేపికి 23 - 27 శాతం ఓట్లు, కాంగ్రెస్ పార్టీకి 9-12 శాతం కోట్లు, ఎంఐఎం పార్టీకి 13 - 15 శాతం ఓట్లు ఇతరులు 6-9శాతం ఓట్లు పడతాయని అంచనా వేసింది. ఇక సవ్యసాచి సంస్థ చేసిన సర్వే నివేదిక ప్రకారం టీఆరఎష్ పార్టీకి 50- 60 స్థానాలు, బీజేపికి 42-50 స్థానాలు, ఎంఐఎం పార్టీకి 35- 43 స్థానాలు, ఇతరులు 6-13 స్థానాలు కైవసం చేసుకోనున్నాయని వెల్లడించింది, దుబ్బాక అందించిన విజయగర్వంతో జీహెచ్ఎంసీ ఎన్నికలలోనూ తమ సత్తాను చాటేందుకు రెడీ అవుతోంది బీజేపి.. గ్రేటర్ బల్దియాపై కషాయ జెండాను ఎగురవేస్తోందా.? లేదా.? అన్నది తెలియాలంటే డిసెంబర్ 4 వరకు వేచి చూడాల్సిందే.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more