కరోనా విజృంభన: దేశంలో 2లక్షలకు చేరువలో కేసులు.. 5600 చేరిన మరణాలు

Posted: 06/02/2020 12:49 PM IST

దేశంలో కరోనా విజృంభన వేగంగా కోనసాగుతోంది. చైనాలో పుట్టి ప్రపంచ వ్యాప్తంగా లక్షలాధి మంది ప్రజల ప్రాణాలను హరించిన ఈ వైరస్.. భారత్ లో తన వ్యాప్తిని అంతకంతకూ పెంచుకుంటూపోతోంది. రోజురోజుకు ప్రజల మనుగడనను ప్రశ్నార్థకంగా మారుస్తూ తన ప్రభావనికి గురిచేస్తున్న వైరస్.. ఇక తన వ్యాప్తిని కూడా పెంచుకుంటోంది. దేశంలో జనవరి 30వ తేదీన తొలి కేసు నమోదైన తరువాత 111 రోజులకు లక్ష కేసులు నమోదు చేసుకుంది. ఆ తరువాత తన వేగాన్ని పెంచుకుంటోన్న మహమ్మారి ఆ తరువాత కేవలం పక్షం రోజుల వ్యవధిలో దేశంలో మరో లక్ష మందిని తన ప్రభానికి గురిచేసింది.

దీంతో దేశంలో క్రమంగా కరోనావైరస్ మహమ్మారి బారిన బాధితుల సంఖ్య రెండు లక్షల మార్కుకు చేరువలో వుంది. అటు దేశవ్యాప్తంగా నమోదవుతున్న మరణాలు కూడా అందోళన కలిగించే స్థాయికి చేరువవుతున్నాయి. ఐదో విడద లాక్ డౌన్ అమల్లోకి రావడంతో దేశంలో అన్నింటికీ సడలింపులు వచ్చాయి. దీంతో కరోనా కేసులు వ్యాప్తి కూడా గణనీయంగా పెరుగుతోంది. దేశంలో మూడవ విడత లాక్ డౌన్ ముగింపు వేళ.. రోజువారిగా నాలుగు వేల కేసులు నమోదు కాగా, ప్రస్తుతం ఐదో విడత లాక్ డౌన్ అమల్లోకి వచ్చే నాటికి రోజుకు ఆ సంఖ్య రెట్టింపు అయ్యింది. ప్రస్తుతం దేశంలో ఎనమిది వేలకు పైబడి కాంటాక్టు కేసులు నమోదు అవుతున్నాయి.

దేశంలో అటు కరోనా పాజిటివ్ కేసులు, ఇటు కరోనా మరణాలు పెరుగుతుండటంతో దేశ ప్రజల నుంచి అందోళన వ్యక్తమవుతోంది. గడిచిన 24 గంటల వ్యవధిలోనే ఎనమిది వేలకు చేరువలో కేసులు నమోదు కావడం.. మరణాలు కూడా అత్యధిక సంఖ్యలోనే నమోదవ్వడం కలవరం రేపుతోంది. ఇక ఈ మురణాల్లోనూ యాభై శాతానికి పైగా మహారాష్ట్రలోనే సంభవించడం ఆ రాష్ట్రవాసులను భయాందోళనకు గురిచేస్తోంది. ఇక గడిచిన 24 గంటల వ్యవధిలో దేశవ్యాప్తంగా కొత్తగా 8171 పాజిటివ్ కేసుల నమోదుతో దేశంలో మొత్తం కరోనా పాజిటివ్ 1,98,706 కేసులు నమోదయ్యాయి.

ఇక దేశంలో నమోదవుతున్న మరణాలు కూడా ఆందోళన కొనసాగిస్తున్నాయి. దేశంలో మునుపెన్నడూ నమోదు కాని స్థాయిలో మరణాలు సంభవిస్తూ ప్రజలను అందోళనకు గురచేస్తున్నాయి. ఇక తాజాగా గడిచిన 24 గంటల్లో 204 మంది మరణించడం అందోళన కలిగించే విషయం. దీంతో దేశవ్యాప్తంగా మరణాల సంఖ్య 5600 మార్కుకు చేరులోకి చేరుకుంది. తాజాగా నమోదైన గణంకాల నేపథ్యంలో దేశవ్యాప్తంగా 5598కి మరణాలు చేరుకున్నాయని కేంద్ర ఆరోగ్యమంత్రిత్వశాఖ పేర్కొంది. దేశంలో నమోదవుతున్న కరోనా కేసులు, మరణాల్లో  మహారాష్ట్రలోనే అత్యదికంగా నమోదు కావడం గమనార్హం. ఆ తరువాత కరోనా విజృంభన ఢిల్లీ, తమిళనాడు, హర్యానా, ఉత్తరాఖండ్ రాష్ట్రాలలోనూ అత్యధిక కేసులు నమోదయ్యాయి.

#CoronaVirusUpdates: #COVID19 India Tracker
(As on 02 June, 2020, 08:00 AM)

▶️ Confirmed cases: 198,706
▶️ Active cases: 97,581
▶️ Cured/Discharged/Migrated: 95,527
▶️ Deaths: 5,598#IndiaFightsCorona#StayHome #StaySafe @ICMRDELHI

Via @MoHFW_INDIA pic.twitter.com/Iaz24gXAFT

— #IndiaFightsCorona (@COVIDNewsByMIB) June 2, 2020