దేశంలో విజృంభిస్తున్న కరోనా.. 24 గంటల్లో 5609 కొత్త కేసులు

Posted: 05/21/2020 10:00 AM IST

Coronavirus update highest single day spike in covid 19 cases tally reaches 1 12 lakh

దేశంలో కరోనా విజృంభన వేగంగా కోనసాగుతోంది. దేశంలో తొలి కరోనా కేసు నమోదైన 111 రోజులకు లక్ష మార్కును చేరిన కరోనా కేసులు ఆతరువాత రెండు రోజుల వ్యవధిలో మరింత వేగంగా వ్యాప్తించెందాయి. దేశంలో అత్యధిక సంఖ్యలో కరోనా కేసులు నమోదయ్యాయి. ప్రపంచలోనే అత్యధిక కరోనా కేసులు నమోదైన జాబితాలో 11వ దేశంగా భారత్ నిలవడం అందోళన రేకెత్తుతోంది. దేశంలో ఏకంగా సగటున రోజుకు ఐదు వేల మందికి వైరస్ వ్యాప్తి చెందగా, గడిచిన 48 గంటల వ్యవధిలో పది వేలకు మించిన కరోనా కేసులు నమోదు కాడడటం అందోళన కలిగిస్తోంది.

ఇక గడిచిన 24 గంటల వ్యవధిలో దేశవ్యాప్తంగా కొత్తగా 5609 పాజిటివ్ కేసులు నిర్థారణ అయ్యాయి, దీంతో దేశంలో మొత్తం కరోనా పాజిటివ్ 1,12,359 కేసులు నమోదయ్యాయి. ఇక దేశంలో నమోదవుతున్న మరణాలు కూడా ఆందోళన కొనసాగిస్తున్నాయి. గడిచిన 24 గంటల్లో 132 మంది మరణించారు. దీంతో దేశవ్యాప్తంగా మరణాల సంఖ్య కూడా 3435కు చేరుకుందని కేంద్ర ఆరోగ్యమంత్రిత్వశాఖ పేర్కొంది. మహారాష్ట్రలో ఏకంగా అత్యధిక మరణాలు నమోదు చేసుకోవడం కలవరాన్ని గురిచేస్తోంది. కరోనా వైరస్ బారిన పడి మరణిస్తున్న వారి సంఖ్య అంతకంతకూ పెరుగుతుండటంతో దేశప్రజల్లో అందోళన కలుగుతోంది.

గత పన్నెండు రోజుల వ్యవధిలో ఏకంగా యాభై వేల కేసులు నమోదు కావడం కూడా అందోళన రేకెత్తిస్తోంది. కాగా ఈ మహమ్మారి బారిన పడిన వారిలో ఇప్పటి వరకు 45,300 మంది కోలుకున్నారని కేంద్ర వైద్య ఆరోగ్య మంత్రిత్వ శాఖ తెలిపింది. ఇక 63,624మంది మాత్రం వివిధ ఆసుపత్రుల్లో చికిత్స పోందుతున్నారు. గతకొన్ని రోజులుగా కరోనా నుంచి కోలుకుంటున్న వారి సంఖ్య పెరగడం కాస్త ఊరటనిస్తోండగా, రానున్న రోజుల్లో కరోనా తీవ్రత మరింత పెరిగే అవకాశాలు వున్నాయని నిపుణులు అంచనాలు ప్రజలను అందోళనకు గురిచేస్తున్నాయి. కరోనా ప్రభావం అధికంగా మహారాష్ట్ర, ఢిల్లీ, గుజరాత్, తమిళనాడు రాష్ట్రాల్లోనే నమోదు కావడం గమనార్హం.

దేశంలో కరోనావైరస్ బారిన పడి మరణించిన వారిలో అత్యదికులు మహారాష్ట్ర వాసులే కావడం గమనార్హం. గడిచిన 24 గంటల వ్యవధిలో 2000లకు పైగా పాజిటివ్ కేసులు నమోదు కావడంతో ఏకంగా కేసులు 40 వేల మార్కుకు చేరువయ్యాయి. తాజా గణంకాల ప్రకారం మొత్తం కేసుల సంఖ్య 39,297 కేసులు నమోదు కాగా, మహారాష్ట్రలో మరణాల సంఖ్య కూడా అంతకంతకూ పెరుగుతుండడం అందోళన కలిగిస్తోంది. ఇప్పటి వరకు రాష్ట్రంలో 1390 మంది కరోనా బారిన పడి మరణించారు. అటు దేశరాజధాని ఢిల్లీలో గడిచిన 24 గంటల వ్యవధిలోనే 534 కరోనా కేసులు వెలుగుచూశాయి. దీంతో మొత్తం కరోనా కేసుల సంఖ్య 11,088కి చేరింది.

తమిళనాడులోనూ పెద్ద సంఖ్యలోనే కరోనా కేసులు నమోదయ్యాయి. మహారాష్ట్ర తరువాత తమిళనాడులో అధిక సంఖ్యలో కరోనా కేసులు నమోదవుతున్నాయి. తమిళనాడులో కరోనా సకేసుల సంక్య 13వేల మార్కు దాటింది. రాష్ట్రంలో మొత్తం కేసులు సంఖ్య 13191కి చేరాయి. అదే సమయంలో గుజరాత్ లోనూ కరోనా కేసులు విజృంభన కొనసాగుతోంది. ఈ రాష్ట్రంలోనూ కరోనా కేసుల సంఖ్య 13 వేల మార్కుకు చేరువలో వుంది. ప్రస్తుత గణంకాలను బట్టి రాష్ట్రంలో కరోనా కేసులు సంఖ్య 12, 537కు చేరుకుంది. అదే సమయంలో మధ్యప్రదేశ్ లో ఇప్పటి వరకు మొత్తం 5735 కేసులు నమోదు కాగా, 248 మంది మరణించారు, ఉత్తర్ ప్రదేశ్ లో 5175 కేసులు నమోదు కాగా, పశ్చమ బెంగాల్ లో 3103 కేసులు నమోదయ్యాయి.