గాయని కనిక కపూర్ కు ఎట్టకేలకు కరోనా నెగిటివ్.. ఐనా క్వారంటైన్..

Posted: 04/04/2020 07:58 PM IST

బాలీవుడ్ గాయని కనికా కపూర్.. ఎట్టకేలకు కరోనా నుంచి బయటపడ్డారు. ఐదోసారి చేసిన కోవిడ్-19 టెస్టులో ఆమెకు నెగిటీవ్ వచ్చింది. క్రితం నాలుగు సార్లు టెస్టు చేయగా అన్ని సార్లు పాజిటివ్ అనే తేలింది. ప్రస్తుతం ఆమె ఉత్తర ప్రదేశ్ రాజధాని లఖ్‌నవూలో ఉన్న సంజయ్ గాంధీ పోస్ట్ గ్రాడ్యూయేట్ ఇనిస్టిట్యూల్ ఆఫ్ మెడికల్ కాలేజీలో చికిత్స పొందుతున్నారు. ఆమె అక్కడే స్వీయ నిర్బంధంలోకి వెళ్లారు. ప్రతికూల రిపోర్టులే వచ్చినప్పటికీ మరికొంత కాలం ఆమె ఆసుపత్రిలో ఉండనున్నారని సమాచారం. విషయం తెలుసుకున్న కనికా కుటుంబ సభ్యులు ఆనందం వ్యక్తం చేశారు.

అనంతరం దీని గురించి మాట్లాడుతూ ఆసుపత్రిలోకి వైద్య సిబ్బందికి కనిక బాగా సహకరించారు. కరోనాను ఎదుర్కోవడానికి తాను ఎలాంటి తంత్రాలు ఏవీ ప్రయోగించలేదని అన్నారు. ఒక భయంకరమైన క్రిమితో యుద్ధం చేయాల్సి వస్తుందని తాను ఊహించలేదు’’ అని అన్నారు. కాగా కనికా కపూర్ ను సూపర్ స్పెడర్ గతంలో అమెపై పోలీసులు కేసు నమోదు చేసిన విషయం తెలిసిందే. లండన్‌ నుంచి మార్చి 9న ఉత్తర ప్రదేశ్‌ వచ్చిన కనికా కపూర్‌ హోటల్‌లో బస చేశారని.. ఆ క్రమంలోనే పలువురు సెలబ్రిటీలు, రాజకీయ ప్రముఖులు అమెను కలిశారన్న వార్తలు వచ్చాయి.

అంతేకాకుండా అమె ఓక విందు కార్యక్రమాన్ని కూడా ఏర్పాటు చేశారని, అంతేకాకుండా పలు పార్టీలలో అమె పాల్గోన్నారని కూడా సమాచారం. ఈమె ఇచ్చిన విందులో రాజస్థాన్ మాజీ ముఖ్యమంత్రి వసుందరా రాజే.. అమె తనయుడు దుష్యంత్ సింగ్ లు కూడా హాజరయ్యారు. అంతేకాదు రాష్ట్రపతిని కలసిని బీజేపి ఎంపీల బృందంలో దుష్యంత్ సింగ్ కూడా వున్న నేపథ్యంలో స్వయంగా రాష్ట్రపతి కూడా కరోనా వైరస్ పరీక్షలు చేయించుకోవాల్సిన పరిస్థితులు ఏర్పడాయి. కాగా మొత్తానికి కనికా కపూర్ కు కరోనావైరస్ లో నెగిటివ్ రావడం సంతోషకరం.