భార్యబాధిత భర్తకు చమత్కార బదులిచ్చిన మంత్రి కేటీఆర్

Posted: 03/28/2020 02:25 PM IST

కరోనా వైరస్ వ్యాప్తిని నియంత్రించేందుకు దేశవ్యాప్తంగా 21 రోజుల లాక్ డౌన్ ప్రకటించిన నేపథ్యంలో ప్రజలు అంతా ఇళ్లకే పరిమితం అవుతున్నారు. అయితే, ఈ లాక్ డౌన్ రోజులను ఎలా గడపాలా? అని చాలా మంది సందేహిస్తున్నారు. కొందరు తమ కుటుంబంతో అన్యోన్యంగా గడుపుతుంటే, మరికొందరు పిల్లలతో, పెద్దవారితో గడిపేందుకు సమయం వచ్చిందని ఆనంద పడుతున్నారు. మందుబాబులం మేము మందుబాబులం అంటూపాడే వారికి అది కూడా దూరమయ్యింది. దీంతో మందుపడితే తప్ప తమకు కోపం రాని భర్తలు.. మౌన మునుల మాదిరిగా భార్యలకు దొరికిపోయారు.

అయితే, ఓ వ్యక్తికి క్లిష్టమైన సమస్య ఎదురైంది. లాక్ డౌన్ వల్ల ఇంటి దగ్గర పెళ్లాంతో చస్తున్నా అంటూ ఓ వ్యక్తి కేటీఆర్‌ కు ట్యాగ్ చేసి ట్వీట్ చేశాడు. ‘కేటీఆర్ అన్నా, ఇంటి దగ్గర పెళ్లాంతో చస్తున్నా. నా రిక్వెస్ట్ ఏంటంటే, టీవీ చానల్ వాళ్లను కొంచెం మంచి సినిమాలు వేయమని చెప్పు. లేకపోతే నాకు ఒకే దారి ఉంది. కాబట్టి, ప్లీజ్.’ అంటూ ట్వీట్ చేశాడు. అందుకు కేటీఆర్ రియాక్ట్ అయ్యారు. ‘మీ ఆవిడ ట్విట్టర్‌లో లేదనుకుంటున్నా. (నీ మంచి కోసం)’ అని కేటీఆర్ రిప్లై ఇచ్చారు.

I just hope (for your well-being) that your wife is not on Twitterhttps://t.co/eezswQzlBK

— KTR (@KTRTRS) March 27, 2020