అమెరికాలో ఘోర రోడ్డు ప్రమాదం.. ముగ్గురు తెలుగువారి దుర్మరణం

Posted: 02/25/2020 05:42 PM IST

Couple from hyderabad and one other killed in car crash in dallas

అమెరికాలో జరిగిన ఘోర రోడ్డు ప్రమాదంలో ముగ్గురు తెలుగువాళ్లు దుర్మరణం పాలయ్యారు. ఎదురుగా వస్తున్న ఫోర్డ్ కారు అతివేగంగా వచ్చి తెలుగువారు ప్రయాణిస్తున్న అక్యూర కారును ఢీకొన్నడంతో.. కారులో ప్రయాణిస్తున్న ముగ్గురు అక్కడికక్కడే మరణించారు. డల్లాస్ నగర సమీపంలోని ప్రిస్ కో వద్ద వెల్ వెబ్ వద్ద ఈ ప్రమాదం సంభవించింది. అమెరికా కాలమానం ప్రకారం అధివారం సాయంత్రి 6.40 నిమిషాలకు ఈ ప్రమాదం జరిగింది. సమాచారం అందుకున్న పోలీసులు హుటాహుటిన సహాయ చర్యలు చేపట్టి ఫోర్డ్ కారును నడిసిస్తున్న మైనర్ బాలుడ్ని అసుపత్రికి తరలించారు.

ఈ ప్రమాదంలో మరణించిన మృతుల్లో హైదరాబాద్‌కు చెందిన భార్యాభర్తలతో పాటు ఏపీకి చెందిన మరో వ్యక్తి ఉన్నారు. హైదరాబాద్ లోని ముషీరాబాద్‌ గాంధీనగర్ కు చెందిన రాజా గవిని (41), దివ్య ఆవుల (34) భార్యాభర్తలు. వీరిద్దరూ టెక్సాస్ లోని ఫ్రిస్కోలో సాఫ్ట్‌ వేర్‌ ఇంజినీర్లుగా స్థిరపడ్డారు. భారత కాలమానం ప్రకారం సోమవారం ఉదయం తమ కుమార్తె రియాను డ్యాన్స్‌ క్లాస్‌ వద్ద విడిచిపెట్టారు. అక్కడి నుంచి తిరిగి వస్తూ.. మార్గమధ్యంలో తమ స్నేహితుడైన ప్రేమ్ నాథ్ రామనాథంను తమ కారులో ఎక్కించుకుని.. తమ సొంత ఇంటి నిర్మాణం జరుగుతున్న ప్రాంతానికి బయలుదేరారు.

ఈ క్రమంలో ఫ్రిస్కోలోని డెల్ వెబ్ వద్దనున్న కూడలి వద్ద.. ఎఫ్‌ఎం 423 ఇంటర్‌సెక్షన్‌ వద్దకు రాగానే ఈ ముగ్గురూ వెళ్తున్న కారును ఎదురుగా, అతివేగంగా వస్తున్న ఓ ఫోర్టు కారు ఢీకొట్టింది. దీంతో ముగ్గురూ అక్కడికక్కడే మృతిచెందారు. ప్రాథమిక సమాచారం మేరకు పోర్డు కారు వెళ్లే మార్గంలో ఎల్లో లైట్ వున్నా అతివేగంగా వచ్చిన ఫోర్డు కారు ఢికొట్టిందని పోలీసులు తెలిపారు. ప్రమాద సమయంలో దివ్య అవుల కారును నడిపిస్తున్నారని తెలిపారు. కాగా, ఫోర్డు కారును నడిపిస్తున్న మైనర్ బాలుడి వివరాలను పోలీసులు వెల్లడించలేదు. కేసు నమోదు చేసిన ప్రిస్కో పోలీసులు దర్యాప్తు చేస్తున్నారు.