దిశ హత్య కేసుపై పవన్ కల్యాణ్: సత్వర న్యాయం చేకూరింది..

Posted: 12/06/2019 01:47 PM IST

తెలంగాణ వెటర్నరీ వైద్యురాలు దిశ హత్యాచార కేసులో నిందితులను ఎన్ కౌంటర్ చేయడంపై జనసేన అధినేత పవన్ కల్యాణ్ ఇవాళ స్పందించారు. దిశకు సత్వర న్యాయం అందిందని అభిప్రాయపడ్డారు. దిశ కుటుంబసభ్యులకు ఈ తరహా శిక్షతో కొంత ఉపశమనం లభించిందని ఆయన పేర్కోన్నారు. తమ బిడ్డ దూరమైన విషాధ ఘటన నుంచి అమె తల్లిదండ్రులు త్వరగా తేరుకునేలా భగవంతుడు వారికి శక్తినివ్వాలని కోరారు. ఇక దిశ తరహా కేసుల్లో న్యాయస్థానాలు కఠిన శిక్షలను వేగంగా విధించాలని పవన్ అభిప్రాయపడ్డారు.

దిశ’ ఉదంతం నేరం చేయాలన్న అలోచనకు కనువిప్పు కావాలని, బహిరంగ శిక్షలు అమలు చేయాలని పవన్ కల్యాణ్ ఓ ప్రకటనలో పేర్కొన్నారు. ‘దిశ’ ఉదంతం మన ఆడపడుచుల రక్షణకు ప్రస్తుతం ఉన్న చట్టాలు సరిపోవని హెచ్చరిస్తోందని ఆయన అభిప్రాయపడ్డారు. ఆ కరాళ రాత్రి వేళ నలుగురు ముష్కరుల మధ్య ‘దిశ’ ఎంత నరకాన్ని చూసిందో తలచుకుంటేనే ఆవేశం, ఆక్రోశం, ఆవేదనతో శరీరం ఉడికిపోతోందని పవన్ భావోద్వేగ ప్రకటన చేశారు. జాతి యావత్తు తక్షణ న్యాయం కోరుకోవడానికి కారణం ఈ ఆవేదనే అని ఆయన చెప్పారు.