సీన్ రివర్స్: పెళ్లికి ‘నో’ చెప్పిన ప్రియుడిపై యువతి యాసిడ్ దాడి

Posted: 10/26/2019 10:13 AM IST

వన్ సైడ్ లవ్ చేస్తూ.. తన ప్రేమను ప్రపోజ్ చేయగానే లవర్ తిరస్కరించిందని, ప్రేమోన్మాదులుగా మారిపోయే బాయ్ ఫ్రెండ్‌లు అమ్మాయిలపై పలు విధాలుగా దాడులకు పాల్పడుతున్న ఘటనలను మనం చూస్తూనే వున్నాం. అయితే ప్రేమ్మోనాదుల దాడి బలైయ్యే అమ్మాయిల్లో కొందరు జీవన్మరణ పోరాటంలో విజయం సాధించిగా.. మరికోందరు మాత్రం మృత్యువుతో పోరాడుతూ తిరిగిరాని లోకాలకు తరలివెళ్లిన ఘటనలు కూడా అనేకం.

కానీ, ఇక్కడ సీన్ రివర్స్ అయింది. యాసిడ్ దాడులు, ప్రేమోన్మాదులుగా మారడం యువకులకు మాత్రమే పరిమితం కాదని.. తాము కూడా అలాంటి పనులకు ఉపక్రమించగలమని ఈ యువతి ఏకంగా నేరానికి పాల్పడింది. పందొమ్మిది సంవత్సరాల యువతి తాను ప్రేమించిన వ్యక్తి పెళ్లికి ఒప్పుకోలేదని నిరాహార దీక్షలు, నిరసనలు చేయలేదు. తన సహనాన్ని, ఓపికకు ఫుల్ స్టాప్ పెట్టిన యువతి మాటల్లేవ్.. మాట్లాడుకోవడాల్లేవ్ అని యువకుడిపై యాసిడ్ తో దాడి చేసింది.

ఉత్తర్ ప్రదేశ్ లోని అలీఘడ్ ప్రాంతానికి చెందిన జీవన్‌ఘర్‌లో ఈ ఘటన చోటు చేసుకుంది. ఖవార్సీ పోలీసులు ఈ ఘటనపై కేసు నమోదు చేశారు. బాధితుడి తండ్రి ఫిర్యాదు మేర యాసిడ్ దాడిలో కేసు ఫైల్ అయింది. పోలీసులకు బాధితుడి తల్లి తెలిపిన వివరాల ప్రకారం.. కొన్ని నెలలుగా బాలిక తన కొడుకుతో ప్రేమలో ఉంది. నెల రోజులుగా వారిద్దరి మధ్య మాటల్లేవు. దానికి కారణం అడిగితే రోజూ ఫోన్ చేసి పెళ్లి చేసుకొమ్మని ఒత్తిడి తీసుకువచ్చిందని కొడుకు చెప్పాడట.

దీని గురించి కొడుకుతో మాట్లాడి ఎప్పటినుంచి మాట్లాడట్లేదనే వివరాలు అడిగింది. అదే రోజే ఇంటి దగ్గర్లోని షాప్ వద్ద నిల్చొన్న తన కొడుకుపై యాసిడ్‌తో దాడి జరిగింది. అంతేకాకుండా పెళ్లి చేసుకోకపోతే వారిద్దరి ఫొటోలను సోషల్ మీడియాలో పెట్టి వైరల్ చేస్తానంటూ ఆ యువతి బెదిరించినట్లు ఆమె వివరించింది. బాధితుడికి చికిత్స అందిస్తున్న జవహర్ లాల్ నెహ్రూ మెడికల్ కాలేజీ డాక్టర్ ఎస్ఎస్ జైదీ మాట్లాడుతూ.. దాడివల్ల యువకుని కన్ను పూర్తిగా దెబ్బతిందని తెలిపారు. చికిత్స ఇస్తున్నామని త్వరలోనే కోలుకుంటాడని వెల్లడించారు.