టీడీపీ సీనియర్ నేత, మాజీ ఎంపీ జేసీ దివాకర్రెడ్డి తనదైన స్టైల్లో ఆసక్తికర వ్యాఖ్యలు చేశారు. తన అనుభవాన్నంతా రంగరించి.. కర్ర విరగొద్దు.. పాము చావద్దు అన్న చందంగా రాజకీయ వ్యాఖ్యలు చేయడంలో ఆయనకు ఆయనే సాటి. రాష్ట్రంలో వైఎస్ జగన్ ప్రభుత్వం అధికారంలోకి వచ్చి శతదినోత్సవాన్ని పూర్తి చేసుకున్న క్రమంలో వైఎస్సార్ సిపీ ప్రభుత్వానికి నూటికి నూరు మార్కులు వేశారాయన. వందకు వంద మార్క్లు పడాల్సిందేనని అన్న ఆయన.. మరీ మాట్లాడితే వందకు 110 మార్కులు వేయాల్సిందేనన్నారు.
దీంతో ఇప్పటికే టీడీపీకి హ్యండిస్తున్న నేతల సంఖ్య పెరుగుతున్న క్రమంలో తాజాగా తోట త్రిమూర్తులు కూడా షాక్ ఇచ్చారన్న వార్తలు వినిపిస్తున్నాయి. ఇదే సమయంలో సీనియర్ నేత జేసీ కూడా రమారమి అలాంటి వ్యాఖ్యలు చేయడం, టీడీపీ వర్గాల్లో కలకలం రేపుతోంది. ఇంతకీ ఆయన ఏమన్నారంటే.. ప్రభుత్వంలో ఉన్నా.. ప్రతిపక్షంలో ఉన్నా.. జగన్ ఎప్పుడూ తమవాడేననిన్నారు. అయితే, జగన్ను చేయిపట్టుకొని నడింపించేవాడు కావాలన్న జేసీ... సలహాలు ఇవ్వాలని అడిగితే చూస్తామని చెప్పారు. దీంతో వైసీపీ నుంచి పిలుపు కోసం జేసీ నిరీక్షిస్తున్నారా.? అన్న ప్రశ్నలు కూడా ఉత్పన్నమవుతున్నాయి.
మరోవైపు జగన్ ప్రభుత్వం తీసుకుంటున్న నిర్ణయాలను కూడా అదే స్థాయిలో విమర్శలు ఎక్కుపెట్టారు. తాజాగా ఆర్టీసీని విలీనం చేయడం వల్ల ప్రభుత్వంపై చాలా భారం పడుతోందని.. విలీనంతో కొత్త ఉద్యోగాలు ఇచ్చినట్టు కాదన్నారు. జగన్ కింద పడుతూ.. లేస్తూ వెళ్తున్నాడన్న జేసీ.. ఆయన అడిగితే మాత్రమే సలహాలు ఇస్తానని అన్నారు. ఇక అధికార మార్పిడి జరిగిన తరుణంలో ఎవరు అధికారంలోకి వచ్చినా గత ప్రభుత్వం హయంలో జరిగిన పనులపై దృష్టి పెడతారన్న ఆయన.. మైక్రో స్కోప్తో చూడాలి తప్ప.. పగలగొట్టి చూస్తే ఎలా? అని జేసీ నిలదీశారు.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more