ITEMVIDEOS: అమరావతి రైతులతో జనసేనాని పవన్ కల్యాణ్ భేటీ

Posted: 08/30/2019 03:54 PM IST

జనసేన అధినేత పవన్ కల్యాణ్ ఆంధ్రప్రదేశ్ రాష్ట్ర రాజధాని అమరావతిలో పర్యటిస్తున్నారు. ఏపీ రాజధాని అమరావతి నుంచి మార్చేస్తున్నారని ఆ ప్రాంత రైతులు ఇటీవల ఆయనను హైదరాబాద్ లోని జనసేన కార్యలయంలో కలసి తమ భాధను మెరపెట్టుకున్నారు. దీంతో తాను అమరావతిలో పర్యటిస్తానని వాస్తవ పరిస్థితులను తెలుసుకుంటానని వారికి హామీ ఇచ్చిన పవన్ కల్యాణ్.. ఇవాళ అన్నమాట మేరకు అమరావతిలో పర్యటిస్తున్నారు. మంగళగిరి మండలం నిడమర్రు నుంచీ పవన్ కళ్యాణ్ తన పర్యటన ప్రారంభించారు.

వైసీపీ ప్రభుత్వం చేపట్టిన వివిధ పనులను పరిశీలిస్తూ కాన్వాయ్ లో పర్యటన సాగిస్తున్నారు. రోడ్లు, భవనాలు, ఎత్తిపోతల పథకాల్ని కూడా ఆయన పరిశీలిస్తున్నారు. రాజధానికి భూములు ఇచ్చిన రైతులు, వ్యవసాయ కూలీలను పవన్ కళ్యాణ్ కలుస్తున్నారు. వారు చెప్పే సమస్యలను కూడా ఆయన మార్గమధ్యంలో వింటూ ముందుకు సాగుతున్నారు. భూ సమీకరణ ఒప్పందం అమలు వివరాలు తెలుసుకుంటున్నారు. ఆయనకు అడుగడుగునా... అభిమానులు, స్థానికులూ స్వాగతం పలుకుతున్నారు. ఇక ఇవాళ సాయంత్రం మంగళగిరి పార్టీ కార్యాలయంలో రైతులతో సమావేశమై సమస్యలను తెలుసుకోనున్నారు.

అమరావతే రాష్ట్రానికి రాజధానిగా వుండాలని తేల్చిచెప్పిన పవన్ కల్యాణ్.. వాస్తవ పరిస్థితులను తెలుసుకున్న తరువాత తన పార్టీ స్టాండ్ ఏమిటో తెలుపనున్నారు. ఏపీ రాజధానిపై మంత్రి బొత్స చేసిన వ్యాఖ్యలు, ఆ తర్వాత సీఆర్డీఏ అధికారులతో ముఖ్యమంత్రి వైఎస్ జగన్ సమీక్ష్ నిర్వహించడం.. దీంతో ప్రభుత్వం వెనక్కు తగ్గిందా అన్నట్లుగా మరోమారు మంత్రి బొత్సా అస్పష్ట ప్రకటన చెయ్యడంతో.. ఇప్పటికీ అమరావతి రైతుల్లో రాజధానిపై అలుముకున్న నీలినీడలు అలాగే కొనసాగుతున్నాయి.