ఇండియన్ ఎయిర్ ఫోర్స్ విమానం AN-32 మిస్సింగ్..

Posted: 06/03/2019 04:56 PM IST

Indian air force s an 32 aircraft with 13 onboard goes missing

భారత వాయుసేనకు చెందిన విమానం మిస్ అయింది. ఈ మధ్యాహ్నం సరిగ్గా ఒంటి గంట సమయంలో విమానంతో గ్రౌండ్ స్టేషన్ తో సంబంధాలను తెగిపోయాయి. 13 మందితో ఇవాళ మధ్యాహ్నం 12.25 గంటలకు ఏఎన్-32 ఎయిర్ క్రాఫ్ట్ అస్సోంలోని జోర్హట్ నుంచి అరుణాచల్ ప్రదేశ్ లోని మేచుకాలోని అడ్వాన్స్ ల్యాండింగ్ కంట్రోల్ కు బయల్దేరింది. ఈ ప్రాంతం అరుణాచల్ ప్రదేవ్ లోని తూర్పు హిమాలయా ప్రాంతంలోని వున్న వెస్ట్ సియాంగ్ జిల్లాలో వుంది. ఇది సుమారుగా 30 కిలోమీటర్ల దూరంలో భారత్-చైనా సరిహద్దు ప్రాంతం వుంది.

ఈ ప్రాంతానికి చేరుకునే క్రమంలో భారత వాయుసేన విమానం మిస్ అయ్యింది. ఈ విమానంలో 8 మంది క్రూ మెంబర్స్ తో పాటు మరో ఐదుగురు ప్రయాణికులు ఉన్నారు. విమానం ఆచూకీ కోసం ప్రయత్నాలు మొదలయ్యాయి. అయితే విమానం టేకాఫ్ అయిన 35 నిమిషాల వరకు గ్రౌండ్ స్టేషన్ తో సంబంధాలు కోనసాగిన తరువాత అది అదృశ్యం కావడంతో.. అధికారులు దానిని అన్వేషించే పనిలో పడ్డారు. అటు అరుణాచల్ ప్రదేశ్ కు కూడా చేరుకోకపోవడంతో.. విమానం ఏమైంది, ఎక్కడివెళ్లందనే విషయమై చర్యలు చేపట్టారు అధికారులు.

భారత వాయుసేన ఏఎన్-32 విమానాన్ని అన్వేషించేందుకు సుఖోయ్-30, సి-130లు స్పెషల్ అపరేషన్ ఎయిర్ క్రాప్ట్ లను అధికారులు రంగంలోకి దింపారు. దాదాపుగా 1983లొ భారత వాయుసేనలో చేరిన అన్టోవ్ ఏఎన్-32.. ఇప్పటికీ భారత వాయుసేవకు సేవలను అందిస్తోంది. అయితే గతంలో కూడా భారత వాయుసేనకు చెందిన ఏఎన్-32 విమానం మిస్ కాగా, దాని అచూకి ఇప్పటి వరకు అందుబాటులో లేదు. జూలై 2016లో చెన్నై నుంచి అండమాన్ నికోబార్ ద్వీపాలకు బయల్దేరిన విమానం మిస్ అయ్యింది. విమానం కోసం దాదాపుగా రెండు నెలల పాటు అన్వేషించిన భారత దళాలు.. చివరికి సెప్టెంబర్ లో అన్వేషణను ముగించాయి.