వృద్దాప్య ఫించన్ల పెంపు దస్త్రంపైనే సీఎం జగన్ తొలి సంతకం..

Posted: 05/30/2019 02:10 PM IST

Ys jagan first signature as cm on oldage pension hike

పదేళ్ల తన రాజకీయ ప్రస్థానమంతా ప్రతిపక్షంలోనే కొనసాగిన వైఎస్సార్ కాంగ్రెస్ పార్టీ.. ఇటీవల జరిగిన అంధ్రప్రదేశ్ రాష్ట్ర అసెంబ్లీ ఎన్నికలలో విజయదుంధఃభి మ్రోగించిన నేపథ్యంలో ముఖ్యమంత్రిగా ప్రమాణస్వీకారం చేసిన జగన్.. తన తొలిసంతకాన్ని వృద్వాప్య ఫించన్ల పెంపు దస్త్రంపైనే పెట్టారు. రాష్ట్రంలోని వృద్దులకు పించన్లు సక్రమంగా అందడం లేదని.. ఈ విషయాన్ని తన పాదయాత్ర వారితో మాట్లాడి తెలుసుకున్నానని, అప్పుడే వారికి నెలకు రెండు వేల రూపాయల పింఛను ఇస్తానని చెప్పానని హామి ఇచ్చానని చెప్పారు.

ఇచ్చిన మాటకు కట్టబడి.. విజయవాడలోని ఇందిరా ప్రియదర్శిని మున్సిఫల్ స్టేడియంలో ప్రమాణ స్వీకారం చేసిన ఆయన తన నవరత్నాలలోని వృద్దాప్య పెంచన్ల సూత్రాన్ని అమలు పర్చేందుకు వృద్దులకు జూన్ నెల ప్రారంభం నుంచి ప్రతీ నెల రూ.2250 రూపాయల ఫించను ఇస్తామని చెప్పారు. 60 ఏళ్లు నిండిన ప్రతి అవ్వకు, ప్రతీ తాతకు ఈ పథకం ద్వారా లబ్ది చేకూర్చనున్నట్లు సీఎం తెలిపారు. రాజకీయాలకు ఎలాంటి తావు లేకుండా.. అర్హులైన పేద వృద్దులైన ప్రతీ ఒక్కరికీ ఈ పథాకాన్ని అందిస్తామిన అన్నారు.

పార్టీలకు సంబంధం లేకుండా తన ప్రభుత్వ హాయాంలో పథకాలు అర్హులైన లభ్దిదారులను వెతుక్కుంటూ వెళ్తాయని చెప్పారు. ఇక రూ.2250 నుంచి ప్రారంభమైన ఈ ఫించను ప్రతీ ఏడాది రూ.250 మేర పెరుగుతుందని చెప్పారు. ఇక ఐదేళ్ల తరువాత వచ్చే ఎన్నికల నాటికి ప్రతీ తాతకు, అవ్వకు మూడు వేల రూపాయల ఫించన్ అందుతుందని చెప్పారు. తాను ప్రకటించిన మానిఫెస్టోను ఓ బైబిల్, ఖురాన్, భగవద్గీతలా పవిత్రగంధంలా భావిస్తానని వైఎస్ జగన్ అన్నారు.