రాజోలు లో బోణికోట్టిన జనసేన.. రాపాక విజయం

Posted: 05/23/2019 04:18 PM IST

రాష్ట్ర రాజకీయాల్లో మూడవ ప్రత్యామ్నాయంగా అవిర్భవించిన జనసేన పార్టీ దాదాపు ఐదేళ్ల తరువాత తొలిసారిగా ప్రత్యక్ష ఎన్నికల బరిలో దిగన పార్టీకి తొలి విజయాన్ని నమోదు చేసుకుంది. రాజోలు నియోజకవర్గంలోని జనసేన అభ్యర్థి రాపాక వరప్రసాద్ రావు తన సమీప అభ్యర్థిపై విజయం సాధించారని వార్తలు వెలువడుతున్నాయి. జనసేన అథ్యక్షుడు పవన్ కల్యాణ్ బరిలో నిలిచిన గాజువాకలో వెనుకంజలో నిలువగా, భీమవరంలో మాత్రం ఆయన పోటీని ఇస్తున్నారు.

భీమవరంలో వైఎస్సార్ కాంగ్రెస్ అభ్యర్థి గ్రంధి శ్రీనివాస్ తో నువ్వా-నేనా అన్నట్లు పోటీ నెలకొన్న నేపథ్యంలో చివరికి విజయం ఎవరిని వరిస్తుందో వేచి చూడాల్సిందే. ఇదిలావుండగా, రాజోలు అసెంబ్లీలో రాపాక వరప్రసాద్ తన సమీప వైసీపీ అభ్యర్థిపై సుమారు 3వేల 400 ఓట్ల పైచిలుకు మెజారిటీతో విజయం సాధించినట్లు సమాచారం. ఇదిలావుండగా, జనసేన పార్టీ తరపున బరిలోకి దిగిన మెగా బ్రదర్ నాగబాబును కూడా ఓటర్లు ఆశీర్వదించలేదు. మొదట్లో ఆయన తన ప్రత్యర్ధులకు ధీటుగానే పోటీ ఇచ్చినా.. చివరకు వెనుకంజ వేశారు.