ITEMVIDEOS: ఆర్టీఐ దరఖాస్తుదారులకు షాక్.. సమాధానం బదులు..

Posted: 01/18/2019 12:59 PM IST

సమాచార హక్కు చట్టం (ఆర్టీఐ) దేశపౌరుల చేతిలో పశుపాతాస్త్రం అని చెప్పడం అతిశయోక్తి కాదు. ఎంతటి క్లిష్టమైన సమాచారమైన రాచమార్గంలో రాజముద్ర వేసుకుని లభించేలా చేసేదే ఈ అస్త్రమని దేశ ప్రజలకు తెలిసిందే. ఇలా లభించే సమాచారం నూటికి నూరుపాళ్లు నిజమైనదే. దీంతో ఈ చట్టాన్ని విరివిగా వినియోగించుకునే ఉద్యమకారులు సమాజాంలో ఎప్పటికప్పుడు సంచలన విషయాలను వెలుగులోకి తీసుకువస్తూనే వుంటారు.

అయితే రాజస్థాన్ లోని ఓ ఉద్యమకారుడికి.. మాత్రం సహా చట్టం కింద లభించిన సమాచారం షాక్ అయ్యేలా చేసింది. అతను ఎదురుచూసిన సమాచారం బదులుగా ఊహించని ‘సమాచార పార్శిల్’ అతడ్ని ఖంగుతినేలా చేసింది. సమాచార పార్శిల్ లో అతడికి తాను అడిగిన ప్రశ్నలకు సమాధానం లభించకపోగా, అతడ్ని అవమానపర్చేలా చిత్తు కాయితాలు.. కండోమ్ లు లభించాయి. ఈ ఘటన రాజస్థాన్‌లోని భద్రా తెహసిల్‌లో చోటుచేసుకుంది.

మనోహర్ లాల్, వికాశ్ చౌదరీ అనే ఇద్దరు ఆర్టీఐ ఉద్యమకారులు తమ నియోజకవర్గంలో గత ఐదేళ్లలో జరిగిన అభివృద్ధి కార్యక్రమాల సమాచారం తదితర వివరాలు కావాలంటూ దరఖాస్తు చేసుకున్నారు. ఇందుకు సమాధానం పంపాల్సిన అధికారులు.. కవర్లో కండోమ్‌లు, న్యూస్ పేపర్లను పంపారు. దీంతో ఆ ఉద్యమకారులు ఆర్టీఐ అధికారులకు ఫిర్యాదు చేశారు. ఈ ఘటనపై జిల్లా అధికారులు విచారణ జరుపుతున్నారు.