ITEMVIDEOS: సీఎంకు పరాభవం.. నల్లజెండాలు.. రాళ్ల దాడి..

Posted: 09/03/2018 11:25 AM IST

అసెంబ్లీ ఎన్నికల నేపథ్యంలో రాష్ట్రవ్యాప్త పర్యటన చేస్తున్న మధ్యప్రదేశ్ ముఖ్యమంత్రి శివరాజ్ సింగ్ చౌహాన్ కు చేదు అనుభవం ఎదురైంది. ఆయన పర్యటనను కొందరు దుండగులు అడ్డుకునేందుకు ప్రయత్నాలు చేశారు. ఇందులో భాగంగా ఆయన కాన్వాయ్ వెళ్లే దారిలో నల్లజెండాలతో ప్రదర్శన నిర్వహించారు. అయినా ముందుకు సాగుతున్న కాన్వాయ్ పై రాళ్లు విసిరి నల్లజెండాలు ప్రదర్శించారు. సిద్ధి జిల్లాలోని చుహాట్ ప్రాంతంలో ఈ సంఘటన చోటుచేసుకుంది. దీనికి సంబంధించిన ఓ వీడియో ప్రస్తుతం సోషల్ మీడియాలో హల్ చల్ చేస్తోంది.

15 సెకన్లు నిడివి ఉన్న ఈ వీడియోలో సీఎం చౌహాన్‌ ప్రయాణిస్తున్న బస్సు ముందు కొందరు నల్లజెండాలు ప్రదర్శిస్తున్నట్టు కనిపిస్తోంది. కాగా ఈ ఘటనకు సంబంధించి దాదాపు 20 మందిని అదుపులోకి తీసుకున్నట్టు పోలీసులు వెల్లడించారు. త్వరలో రానున్న అసెంబ్లీ ఎన్నికల నేపథ్యంలో రాష్ట్రవ్యాప్తంగా ప్రచారకార్యక్రమాలను సీఎం చౌహాన్ కొనసాగిస్తున్నారు. కాగా, చుహాట్ ప్రాంతానికి ఆయన కాన్వాయ్ చేరుకోగానే కొందరు అగంతకులు రాళ్లదాడి జరుపగా, అది  ప్రతిపక్ష నేత అజయ్ సింగ్ అసెంబ్లీ నియోజకవర్గమని బీజేపీ ప్రతినిధి ఒకరు వెల్లడించారు.
 
అయితే ఈ ఘటనతో కాంగ్రెస్ కార్యకర్తలకు ఎలాంటి సంబంధం లేదనీ.. తన ప్రతిష్టను దెబ్బకొట్టేందుకే బీజేపీ నేతలు ఇలా కుట్రపన్నుతున్నారని సింగ్ ఆరోపించారు. ఇటీవల తాను చేపట్టిన ‘జన ఆశీర్వాద యాత్ర’ కోసం సీఎం చౌహాన్ ఓ బస్సునే ప్రచార రథంగా మార్చుకున్నారు. ఈ ఘటనలో క్షేమంగా బయటపడిన ఆయన... కొద్ది సేపటి తర్వాత జరిగిన ఓ సభలో మాట్లాడుతూ...‘‘అజయ్‌సింగ్.. నీకు దమ్ముంటే బహిరంగంగా ముందుకు వచ్చి పోరాడు. నేను భౌతికంగా బలహీనుడిని కావచ్చు.. కానీ ఆటలు నా ముందు సాగవు.. రాష్ట్రప్రజలు నాకు అండగా ఉన్నారు..’’ అంటూ సవాల్ విసిరారు.

#WATCH: Black flags shown to Madhya Pradesh Chief Minister Shivraj Singh Chouhan & stones hurled at his vehicle in Sidhi during Jan Ashirwad Yatra. (02.09.18) pic.twitter.com/OVHoPVy7Hx

— ANI (@ANI) September 3, 2018