హిమాచల్ ప్రదేశ్లో ఘోర రోడ్డు ప్రమాదం జరిగింది. పాఠశాల విద్యార్థులను స్కూలు నుంచి ఇళ్లకు తీసుకెళ్తున్న బస్సు అదుపుతప్పి లోయలో పడిపోవడంతో 26 మంది చిన్నారి విద్యార్థులు ఘటనాస్థలంలోనే అసువులు బాసారు. వీరితో పాటు మరో ముగ్గురు మృతి చెందారు. కాగా, ఈ దుర్ఘటనలో మరో 40 మంది విద్యార్ధులు గాయపడ్డారు. కాంగ్రా జిల్లాలోని నుర్పుర్ లోని ఓ పాఠశాల బస్సు 60 మంది విద్యార్థులతో వెళ్తుండగా ఈ దుర్ఘటన చోటుచేసుకుంది. నూర్ పూర్ - చంబా రహదారిపై ప్రయాణిస్తున్న బస్సు గుర్జాల్ గ్రామానికి సమీపంలో ఒక్కసారిగా అదుపుతప్పి పక్కనే ఉన్న 200 అడుగుల లోతున్న లోయలో పడిపోయింది.
సమాచారం అందుకున్న అధికారులు హుటాహుటిన ఘటనా స్థలికి చేరుకొని సహాయక చర్యలు చేపట్టారు. జాతీయ విపత్తు స్పందనా దళాన్ని రంగంలోకి దింపారు. బస్సులో చిక్కుకున్న విద్యార్థులను వెలికి తీశారు. అప్పటికే కొందరు ప్రాణాలు కోల్పోగా, గాయపడిన వారిని ఆస్పత్రికి తరలించారు. ప్రమాదానికి గురైన బస్సులోని విద్యార్థులంతా ఐదో తరగతి లోపు వారేనని సమాచారం. పాఠశాల నుంచి కాసేపట్లో ఇంటికి తిరిగి వస్తారనుకున్న చిన్నారులకు ప్రమాదం జరిగిందని తెలుసుకున్న తల్లిదండ్రులు తీవ్ర దిగ్భ్రాంతికి గురయ్యారు.
తమ చిన్నారుల క్షేమ సమాచారాన్ని తెలుసుకొనేందుకు ఘటనా స్థలికి, ఆస్పత్రికి పరుగులు తీశారు. కాగా, పాఠశాల బస్సు ప్రమాదం గురించి తెలుసుకున్న హిమాచల్ ప్రదేశ్ ముఖ్యమంత్రి జయరాం ఠాకూర్ ఉన్నతాధికారులతో మాట్లాడారు. సహాయక చర్యలు చేపట్టడంపై దిశానిర్దేశం చేశారు. క్షతగాత్రులైన చిన్నారులకు వెంటనే వైద్యసేవలు అందించాలని అదేశించారు. దీంతో పాటు ప్రమాదఘటనపై న్యాయ విచారణకు ఆదేశించారు. మృతుల కుటంబాలకు రూ.5లక్షల చొప్పున పరిహారం ప్రకటించారు.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more