బాలీవుడ్ అలనాటి నటుడిపై లైంగిక వేధింపుల కేసు

Posted: 02/08/2018 11:07 AM IST

Actor jeetendra accused of sexual assault by his cousin

ప్రముఖ నటుడు, నిర్మాత, బాలాజీ టెలిఫిలిమ్స్ చైర్మన్ జితేంద్రపై లపై పోలీసులు లైంగిక వేధింపుల కేసును నమోదు చేసేందుకు ఉపయుక్తం అవుతున్నారు. జితేంద్రకు బంధువుగా పేర్కొంటున్న బాధితురాలు ఈ మేరకు పోలీసులకు అన్ లైన్ ద్వారా పిర్యాదు చేయడంతో.. ఈ ఫిర్యాదుతో ఆయనపై ఎఫ్ఐఆర్ నమోదు చేయవచ్చా.? లేదా..? అన్న విషయమై పోలీసులు న్యాయసలహాలను తీసుకుంటున్నారు. ఇక మరో విషయమ ఏంటంటే.. బాధితురాలిపై నటుడు లైంగిక వేధింపులకు పాల్పడింది కూడా ఐదు దశాబ్దాల క్రితం.

తన బందువైన నటుడు జితేంద్ర తనను లైంగికంగా వేధించారని ఓ మహిళ ఆరోపిస్తూ.. ఏకంగా 47 ఏళ్ల తరువాత హిమాచల్ ప్రదేశ్ పోలీసు బాస్ కు రెండు పేజీల లేఖ రాసింది. తనను లైంగికంగా వేధించిన జితేంద్రపై కేసు నమోదు చేయాలని కోరింది. ఈ లైంగిక దాడి జరిగిన సమయంలో తన వయస్సు కేవలం 18 అని, జితేంద్ర తన కన్నా పదేళ్లు పెద్దవాడని, అయనకు అప్పుడు 28 ఏళ్ల వయసుందని అమె పేర్కొనింది. అయితే అప్పట్లో జితేంద్రపై పిర్యాదు చేయడానికి తనకు ధైర్యం సరిపోలేదని, సంఘం, బంధువులు ఎలా రియాక్ట్ అవుతుందో తెలియక తాను మౌనంగా వున్నానని లేఖలో తెలిపింది.

మహిళ ఆరోపణలను జితేంద్ర తరపు న్యాయవాది కొట్టిపడేశారు. ఇదో అర్థం పర్థం లేని ఆరోపణ అని అన్నారు. 50 ఏళ్ల తర్వాత తన క్లైయింట్‌పై లైంగిక ఆరోపణలు చేస్తోందని, దీనిని కోర్టు కానీ, పోలీసులు కానీ విశ్వసించరని పేర్కొన్నారు. 1971లో ఓ సినిమా షూటింగ్ లో భాగంగా జితేంద్ర తనను లైంగిక వేధింపులకు గురిచేసినట్టు ఆమె లేఖలో ఆరోపించింది. షూటింగ్‌ స్పాట్‌ వద్ద తనను కారులో ఎక్కించుకుని ఢిల్లీ నుంచి ఓ హోటల్ రూముకు తీసుకెళ్లారని, అక్కడ రెండు వేర్వేరు బెడ్‌లు ఉన్నాయని పేర్కొంది.

ప్రయాణ అలసటతో తాను నిద్రపోయానని, అయితే కాసేపటి తర్వాత మెలకువ వచ్చి చూస్తే జితేంద్ర తన బెడ్‌పై ఉన్నారని, అతడి నుంచి మద్యం వాసన వచ్చిందని తెలిపింది. తనపై అత్యాచారం చేసిన అనంతరం ఒంటరిగా వదిలేసి వెళ్లిపోయారని వివరించింది. ఆ రాత్రికి తాను అక్కడే ఉండిపోవాల్సి వచ్చిందని పోలీసుకు పంపిన రెండు పేజీల లేఖలో ఆమె పేర్కొంది. ఆన్‌లైన్ ద్వారా బాధితురాలి నుంచి లేఖను అందుకున్న ఎస్పీ కుషాల్ శర్మ తెలిపారు.