రైలులో పోకిరి పనిపట్టి. అరెస్టు చేయించిన హీరోయిన్

Posted: 02/02/2018 11:19 AM IST

కామాతురానాం నభయం నలజ్జ అన్నట్లుగా వ్వవహరిస్తున్నారు పోకిరీలు. వయస్సు పైబడుతున్న కొద్ది సమాజంలో పేరుప్రఖ్యాతుల కోసం శ్రమించాల్సింది పోయి.. తన కూతురు సమానమైన అమ్మాయిలపై లైంగిక వేధింపులకు పాల్పడ్డాకు ఓ నడివయస్కుడు. అంతే కొద్దిసేపు అనుకోకుండా జరిగిందని నిమ్మకున్నా.. అదే పనిగా అసభ్యకరంగా వ్యవహరించిన వ్యక్తిని పట్టుకుని పోలీసులకు అప్పగించింది ఓ నటి. ఇలా పోకిరీ అటకట్టించింది మరెవరో కాదు మలయాళ నటి సనూష.

పవర్ స్టార్ పవన్ కల్యాణ్ నటించిన ‘బంగారం’ చిత్రంలో హీరోయిన్ మీరా చోప్రా చెల్లెలి పాత్రలో నటించిన సనూష.. ఓంకార్ దర్శకత్వంలో ఆమధ్య వచ్చిన ‘జీనియస్’ సినిమాలో హీరోయిన్‌ గా తెలుగు ప్రేక్షకులకు పరిచయం అయ్యింది. తన పట్ల ఓ వ్యక్తి అసభ్యకరంగా వ్యవహరిస్తున్న క్రమంలో తాను అతని కొద్దిసేపు గమనించానని, వెంటనే అతని చేయి పట్టుకుని ఎస్కార్టు పోలీసులకు అప్పగించానని చెప్పింది.

కర్ణాటకలోని మంగళూరు సెంట్రల్ నుంచి తిరువనంతపురం వెళ్లే మావెలి ఎక్స్ ప్రెస్ రైలులో.. కేరళకు చేరుకునేందుకు తాను ప్రయాణిస్తున్న క్రమంలో ఈ ఘటన జరిగిందని చెప్పింది. తనకు కేటాయించిన బర్త్ లో తాను పడుకున్నానని.. ఆ తరువాత తమిళనాడు కన్యాకుమారీకి చెందిన వ్యక్తి తనపట్ల అసభ్యకరంగా ప్రవర్తించాడని తెలిపింది. పోకిరి అట కట్టించడం కంటే.. తాను బిగ్గరగా అతనిపట్ల అరుస్తున్నా. పక్కనున్నవారు ఏమాత్రం స్పందించకపోవడం చాలా అందోళన కలగించిందని అమె అవేదన వ్యక్తం చేసింది.

పోలీసులు వచ్చి పోకిరిని అదుపులో తీసుకున్నా తరువాత కూడా వారు స్పందించలేదని చెప్పింది. ఇప్పుడు తాను చట్టపరమైన ప్రక్రియ ద్వారా వెళ్లవలసి ఉన్నా.. తనకు తన కుటుంబసభ్యుల నుంచి పూర్తి మద్దతువుందని తెలిపింది. కాగా ఇలాంటి ఘటనలు ఏవైనా జరిగితే వెంటనే రియాక్ట్ అవ్వండి. ఆలస్యం చేయవద్దు అంటూ ఈ సందర్భంగా సనూష మహిళాలోకానికి అప్పీల్ చేసింది.