యూపీలో దారుణం: సరదాగా బాలికపై గ్యాంగ్ రేప్, హత్య..

Posted: 01/10/2018 07:59 PM IST

బాలికను అపహరించి అతిదారుణంగా సామూహిక అత్యాచారం చేసిన నిందితులు పోలీసుల విచారణలో చెప్పిన సమాధానం వింటే విస్తుపోక తప్పదు. వీరు చెప్పిన సమాధానమేంటో తెలుసా..? అత్యాచారం వార్తలు విని, ఈ ఘటనకు పాల్పడితే ఎలా వుంటుందోనని అభంశుభం తెలియని ఓ బాలికను అపహరించి నిర్ఝన ప్రాంతానికి తీసుకెళ్లి సామూహిక అత్యాచారానికి పాల్పడ్డారు. అయితే వీరు ఈ దారుణానికి పాల్పడింది కేవలం సరదాగానేనట.

ఉత్తర్ ప్రదేశ్ లోని మీరట్ ప్రాంతానికి చెందిన అబ్బాసీ, దిల్షద, ఇజ్రాయెల్‌ అనే ముగ్గురు యువకులు వారం రోజుల క్రితం ఓ బాలికను అపహరించారు. నిర్జన ప్రాంతానికి తీసుకెళ్లి బాలిపై గ్యాంగ్ రేప్ కు పాల్పడ్డారు. ఈ ఘటనలో బాధితురాలు కన్నుమూసింది. అంతటితో ఆగకుండా మృతదేహాన్ని నోయిడాలోని కాలువలో పడేసి పారిపోయారు. ఈ ఘటన జరిగిన మరుసటి రోజే యువకులు ప్రయాణించిన కారును పోలీసులు స్వాధీనం చేసుకున్నారు. ఆ తరువాత ముగ్గురినీ అదుపులోకి తీసుకున్నారు.

బాలికను ఎందుకు అపహరించారు అని వారిని పోలీసులు విచారించగా..‘రాత్రి మద్యం తాగుతూ ముగ్గురం ఓ సినిమా చూశాం. ఆ తరువాత సరదాగా బాలికను కిడ్నాప్‌ చేయాలనుకున్నాం. రోడ్డుపై వెళుతుంటే ఓ బాలిక ఒంటరిగా కన్పించడంతో ఆమెను కారులో ఎక్కించుకుని తీసుకుపోయాం’ అని చెప్పారు. వారి సమాధానానికి పోలీసులు ఖంగుతిన్నారు. నేరాన్ని ఒప్పుకోవడంతో ముగ్గురు నిందితులపై కేసులు నమోదు చేసి పోలీసులు రిమాండ్‌కు తరలించారు.