ట్రాన్స్ కో లో ఉద్యోగాలోచ్..! అర్హులు అప్లై చేసుకోండి..

Posted: 01/09/2018 01:35 PM IST

తెలంగాణ ట్రాన్స్ కో కూడా ఎట్టకేలకు నిరుద్యోగ, కాంట్రాక్టు కార్మికులకు శుభవార్తను అందించింది. ఈ శాఖలో ఖాళీగా వున్న 1100 జూనియర్‌ లైన్ మెన్ పోస్టులను భర్తీ చేయనున్నట్లు ప్రకటనను వెలువరించి అశావహులకు తీపికబురును అందించింది. దక్షిణ మండలంలోని (సదరన్‌ జోన్‌) 657, ఉత్తర మండలం (నార్తర్న్‌ జోన్) లో 443 ఖాళీలు ఉన్నాయని ప్రకటించింది.

అర్హతలు:

* ఎలక్ట్రికల్, వైర్ మెన్ ఐటీఐ కోర్సులు లేదా ఎలక్ట్రిషియన్ ఒకేషనల్‌ కోర్సు పూర్తిచేసినవాళ్లు వీటికి అర్హులని స్పష్టం చేసింది.
* ఈ జూనియర్ లైన్ మెన్ ఉద్యోగాలకు దరఖాస్తు చేసుకోదలచిన వారు ఆన్ లైన్ లో మాత్రమే అప్లై చేసుకోవాలని తెలిపింది.
* రాత పరీక్ష ద్వారా అభ్యర్థులను ఎంపికచేస్తారు.
* అభ్యర్థులు పోల్‌ (విద్యుత్ స్థంబాలు) ఎక్కగలగాలి. స్తంభం ఎక్కలేనివాళ్లు ఈ పోస్టులకు అనర్హులు.

వయో పరమితులు:

జులై 1, 2017 నాటికి కనిష్ఠంగా 18, గరిష్ఠంగా 35 ఏళ్లలోపు వయసు ఉండాలి. (ఎస్సీ, ఎస్టీ, బీసీలకు అయిదేళ్లు; దివ్యాంగులకు పదేళ్లు సడలింపు).
* ఇంటర్వ్యూ లేదు
* 80 మార్కులకు రాత ప‌రీక్ష‌
* తెలుగు, ఇంగ్లిష్ రెండు మాధ్యమాల్లో ప్రశ్నపత్రం
* ఎలక్ట్రికల్‌ సబ్జెక్టుపై 65 ప్రశ్నలు ఐటీఐ/ ఒకేషనల్‌ కోర్సులోని ప్రశ్నలు
* జనరల్‌ అవేర్‌నెస్‌, న్యూమరికల్‌ ఎబిలిటీ నుంచి మిగిలిన 15 ప్రశ్నలు.
* పరీక్ష వ్యవధి 2 గంటలు.
* పరీక్ష కేంద్రాలన్నీ జీహెచ్‌ఎంసీ పరిధిలోనే ఉంటాయి.
* పరీక్ష ఆబ్జెక్టివ్‌ విధానంలో ఉంటుంది.

అర్హత సాధించాలంటే...
రాత ప‌రీక్ష‌¹లో అర్హత సాధించడానికి ఓసీలు 40, బీసీలు 35, ఎస్సీ, ఎస్టీ, దివ్యాంగులు 30 శాతం మార్కులు పొందాలి. కాంట్రాక్ట్‌, అవుట్‌ సోర్సింగ్‌ ఉద్యోగులకు గరిష్ఠంగా 20 మార్కుల వెయిటేజీ వర్తిస్తుంది.
ముఖ్యమైన తేదీలు

ఆన్‌లైన్‌ దరఖాస్తులు: జనవరి 5 నుంచి ప్రారంభమైంది
చివరితేదీ: జనవరి 20.
ఫీజు: దరఖాస్తు చేసుకున్న అభ్యర్థులంతా రూ.100 ఆన్‌లైన్‌ అప్లికేషన్‌ ప్రాసెసింగ్‌ ఫీజుగా చెల్లించాలి. దీంతోపాటు రూ.120 పరీక్ష ఫీజు కట్టాలి. అయితే ఎస్సీ, ఎస్టీ, బీసీ, దివ్యాంగులు పరీక్ష ఫీజు చెల్లించాల్సిన అవసరం లేదు.
హాల్‌ టికెట్లు: ఫిబ్రవరి 5 నుంచి డౌన్‌లోడ్‌ చేసుకోవచ్చు.
పరీక్ష తేదీ: ఫిబ్రవరి 11, 2018 మధ్యాహ్నం 2 నుంచి 4 వరకు.