బీజేపీ రేష్మా అశ్లీల ఫోటోలు వైరల్

Posted: 11/07/2017 09:44 AM IST

గుజరాత్ బీజేపీ మహిళా నేత రేష్మా పటేల్ అశ్లీల చిత్రాల వ్యవహారంపై క్రైమ్ బ్రాంచ్ పోలీసులు ఎఫ్ ఐఆర్ నమోదు చేశారు. నకిలీ ఖాతాలు తెరిచి మరీ ఆమె మార్ఫింగ్ ఫోటోలు, వీడియోలు, అసభ్య కామెంట్లతో కొందరు వాటిని వైరల్ చేశారు.

ఈ మేరకు ఆమెకు వరుసకు సోదరుడు అయ్యే సన్నీ పటేల్ గుజరాత్ హైకోర్టును ఆశ్రయించాడు. ఆయా ఫేక్ ఐడీలను కూడా ఆయన తన ఫిర్యాదులో పేర్కొన్నాడు. అసభ్య పదజాలంతో కూడిన ఆమె ఫోటోలను వాట్సాప్, ఫేస్ బుక్ లలో కొందరు వైరల్ చేస్తున్నారంటూ వివరించారు.దీంతో కోర్టు అహ్మదాబాద్ క్రైం బ్రాంచ్ పోలీసులకు 15 రోజుల్లో కేసును చేధించాలని ఆదేశాలు జారీ చేసింది.

పటీదార్ ఉద్యమకారులు గుజరాత్ ఎన్నికల్లో కాంగ్రెస్ పార్టీకి మధ్దతు ప్రకటించిన విషయం తెలిసిందే. దీంతో హర్దిక్ పటేల్ కు అత్యంత సన్నిహితురాలిగా పేరున్న ఆమె ఈ మధ్యే బీజేపీలో చేరారు. ఈ నేపథ్యంలోనే ఆమె పరువుకు భంగం కలిగించేలా ఓ వర్గం వారు వ్యవహరిస్తున్నారన్న ఆరోపణలు వినిపిస్తున్నాయి.