హైదరాబాద్ లో జనసేన ఆఫీస్ ప్రారంభం

Posted: 10/25/2017 08:25 AM IST

భరతమాత సాక్షిగా హైదరాబాద్ లో జనసేన పార్టీ కార్యాలయం ప్రారంభమైంది. జనసేన అధినేత పవన్ కళ్యాణ్ గత సాయంత్రం ప్రారంభించించారు. ఈ విషయాన్ని జనసేన పార్టీ ఒక ప్రకటనలో తెలిపింది. భరతమాతకు శాస్త్రోక్తంగా పూజలు నిర్వహించిన అనంతరం సర్వమత ప్రార్థనలు నిర్వహించామని, అనంతరం, కొత్త హంగులు సంతరించుకున్న కార్యాలయంలో పరిపాలనా కార్యక్రమాలను ప్రారంభించామని పార్టీ తెలిపింది.

పార్టీ పరిపాలనా సౌలభ్యం కోసం ఈ ప్రాంగణం పని చేస్తుందని, పార్టీ రాజకీయ కార్యకలాపాల కోసం విశాలమైన స్థలంలో హైదరాబాద్, అమరావతి నగరాలలో వేరేగా కార్యాలయాలను ఏర్పాటు చేయనున్నట్టు తెలిపారు. తొలుత శాస్త్రోక్తంగా వేదమంత్రాల మధ్య పార్టీ అధినేత పవన్ కల్యాణ్ కార్యాలయంలోకి అడుగుపెట్టారు. పూజల అనంతరం కార్యాలయంలోని ప్రతి విభాగాన్ని పవన్ కల్యాణ్ పరిశీలించారు.

ఈ కార్యక్రమానికి పారిశ్రామికవేత్తలు, విద్యా రంగ ప్రముఖులు, సినీ ప్రముఖులు దర్శకుడు త్రివిక్రమ్, నిర్మాతలు దగ్గుబాటి సురేష్ బాబు, ఎస్. రాధాకృష్ణ, ప్రముఖ రచయిత సత్యానంద్, ప్రముఖ హాస్యనటుడు అలీ, పవన్ కల్యాణ్ అభిమానులు తదితరులు హాజరయ్యారు. ఈ సందర్భంగా పవన్ కల్యాణ్ కు తెలుగులో రాసిన ఖురాన్ ని నటుడు అలీ బహూకరించాడు. ఈ కార్యక్రమానికి ముఖ్య అతిథిగా తెలంగాణ జనసేన కార్యకర్త నిమ్మల వీరన్న హాజరయ్యారు. సామాజిక, ఆర్థిక పరివర్తన కోసం నిరంతరం పని చేసే అలుపు ఎరగని కార్యకర్త మా నిమ్మల వీరన్న తో అంటూ పవన్ స్వయంగా ఓ ఫోటోను ట్వీట్ చేయటం విశేషం.

Saamijika, ardhika parivarthana Kosam nirantharam paniches alupu eragani karyakartha ma "Nimmala Veeranna" tho.. pic.twitter.com/7GDFjUuLu6

— Pawan Kalyan (@PawanKalyan) October 24, 2017