ITEMVIDEOS: వెంటపడి వేధిస్తున్న పోకిరీలకు ఇలా బుద్దిచెప్పింది..

Posted: 09/07/2017 11:13 AM IST

గత కొన్ని రోజులుగా అమె వెంట పడుతున్న ఇద్దరు యువకులకు ఓ వివాహిత గట్టిగా బుద్ది చెప్పింది. ఈ ఘటన పంజాబ్ రాష్ట్రంలోని గుర్థాస్ పూర్ ప్రాంతంలో చోటుచేసుకుంది. స్థానికంగా నివసించే ఓ వివాహిత.. ఉద్యోగానికి వెళ్లివస్తున్న క్రమంలో అమె వెంట పడుతున్న ఇద్దరు యువకులు వేధించడం ప్రారంభించారు. ఇలా గత కొన్ని రోజులుగా ప్రతి రోజు జరుగుతుంది. దీంతో వారికి గట్టిగా బుద్ధిచెప్పాలని నిర్ణయించుకున్న వివాహిత.. విషయాన్ని తన భర్తతో పాటు బంధువుల దృష్టికి తీసుకెళ్లింది.

దీంతో బందువులతో పాటు అమె గ్రామానికి చెందిన పలువురు వివాహితకు అండగా నిలిచారు. పోకిరీలు ఓ కారులో అమెను వెంబడిస్తూ.. వెకిలి చేష్టలకు పాల్పడుతున్న నేపథ్యంలో వారంతా కలసి జాతీయ రహదారిపైకి వచ్చారు. యధావిధిగా అమె తన విధులను ముగించుకుని ఇంటికి తిరిగివస్తున్న క్రమంలో వారు అమెను షరామామూలుగానే వెంబడించారు.

ఈ క్రమంలో జాతీయ రహదారిపైన నిల్చున్న వివాహిత బందువులు కారును అపి అందులో వున్న ఇద్దరు పోకిరీలను కిందకు దించి.. పోలాల్లోకి తీసుకెళ్లి దేహశుద్ది చేశారు. వారి వెకిలిచేష్టలతో కొన్నాళ్లుగా మనోవేదనకు గురైన వివాహితలోనూ కోపం కట్టలు తెంచుకుంది. అమె కూడా వారిని చెప్పుతో కొట్టింది. ఇలా మరే ఇతర మహిళ వెనుక పడినా.. ఇంతకు మించిన స్థాయితో బడిత పూజ చేస్తానని హెచ్చరించింది.

వివాహిత బంధువులు స్థానిక పోలీసులకు సమాచారం ఇవ్వడంతో వారు వచ్చి నిందితులను అదుపులోకి తీసుకున్నారు. వారిపై పలు సెక్షన్ల కింద కేసులు నమోదు చేసిన పోలీసులు వారిని అరెస్టు చేసి రిమాండ్ కు తరలించారు. వివాహత వారిని చెప్పుతో కోడుతున్న సమయంలో అమె గ్రామస్థులు కొందరు ఆ దృష్యాలను తమ సెల్ ఫోన్లలో బంధించి వాటిని సోషల్ మీడియాలో పోస్టు చేయడంతో అవి కాస్తా వైరల్ అయ్యాయి.