సోషల్ మీడియాలో వైరల్ గా మారిన ఫోటో ఇదే..

Posted: 07/31/2017 02:18 PM IST

Crpf shares pictures of cop offering namaz while jawan stands guard

భారత దేశం భిన్న సంస్కృతులకు మాత్రమే నిలయం కాదు. సర్వమత సౌభ్రాభృత్వానికి కూడా అవాసమే. దశాబ్దాల క్రితం దసరా పండగను ముస్లిం సోదరులు ఘనంగా జరుపుకుని అలాయ్, భలాయ్ అంటూ హిందు మిత్రుల కుటుంబాలను వారింట్లో బోజనానికి పిలిచేవారు. అదే తరహాలో పీర్ల పండగను ముస్లింల నేతృత్వంలో జరిగినా.. వాటిని అధికంగా హిందూమతస్థులే పాల్గోనేవారు. మరో విధంగా చెప్పాలంటే.. పీర్ల, దర్గాలను దర్శించేవారిలో హిందువుల సంఖ్యే అధికంగా వుండేది. అయితే కాలక్రమేనా మతఛాందసవాదం పెరగి.. హిందూ, ముస్లింల మధ్య అంతరం అంతకంతకూ పెరుగుకుపోయింది.

అయితే రాజకీయ నేతలు, మతఛాందసవాదులు ఎంతగా బేధాలను తీసుకువచ్చేందుకు ప్రయత్నించాని. దేశంలో మాత్రం హిందూ, సిక్, ఇసాయి, అంతా భాయి భాయి అన్నట్లుగా వారి మధ్య సోదరభావం, మతసామరస్యం వుంటుందని చాటి చెపుతుంది. మతసామరస్యం మతోన్మాద శక్తుల అండతో పేట్రేగిపోతూ.. దేశంలో రావణ కాస్టాన్ని రగుల్చుతూ.. వేర్పాటు వాదులు నిత్యం హింసకు దిగుతున్న జమ్మూకాశ్మీర్ లోని ఓ ఫోటో ఇప్పడు సోషల్ మీడియాలో వైరల్ గా మారింది. భారత్ లో సర్వమత సోదరబావాన్ని చాటుతున్న ఈ ఫోటోకు ఏకంగా 7 లక్షల లైకులు వచ్చాయి.

ఈ విషయం భారత్ నిజంగా పుణ్యభూమని, కర్మభూమని చాటిచెబుతుంది. ఈ ఫోటోను లక్షకు పైగా రీట్వీట్లు వచ్చాయి. ఈ ఫొటోను చూసి గర్వించని భారతీయుడే లేడని కామెంట్లు వస్తున్నాయి. ఆ ఫొటోను శ్రీనగర్ కు చెందిన సీఆర్పీఎఫ్ కార్యాలయం సోషల్ మీడియాలో పోస్టు చేసింది. విధి నిర్వహణలో భాగంగా ఇద్దరు జవాన్లు కాపలాగా ఉన్న ప్రాంతంలో నమాజుకు సమయమైన సమయంలో తీసిన ఫొటోలు ఇవి. ఓ జవాను నమాజు చేస్తుండగా, మరో జవాను కాపలాగా నిలబడ్డాడు. 'బ్రదర్స్ ఇన్ ఆర్మ్స్ ఫర్ పీస్' పేరిట క్యాప్షన్ పెట్టిన సీఆర్పీఎఫ్ దీన్ని విడుదల చేయగా, ఇదే నిజమైన భారతావని అని నెటిజన్లు ఆనందాన్ని వ్యక్తం చేస్తున్నారు.