ఉగ్యోగినిపై అత్యాచారం.. వ్యాపారవేత్తకు అరదండాలు..

Posted: 07/05/2017 12:32 PM IST

జీడిపప్పు ఎగుమతులతో ఖ్యాతి గడించిన ప్రముఖ కేరళ వ్యాపారవేత్త రాజమోహన్ పిళ్లైను అత్యాచారం కేసులో పోలీసులు అరెస్టు చేసి రిమాండ్ కు తరలించారు. జీడిపప్పుతో పాటు బిస్కెట్ వ్యాపార రంగంలో పోటీ సంస్థలతో ధీటుగా రాణిస్తున్న రాజమోహన్.. తన ఇంట్లో పనిచేసే యువతిని వరుసగా పలుమార్లు అత్యాచారాలకు పాల్పడినట్లు అభియోగాలను నమోదు చేసిన కేరళలోని తిరువనంతపురం మ్యూజియం పోలీసులు అయనను అరెస్టు చేశారు.

బిస్కెట్ వ్యాపార రంగంలో రారాజుగా వెలుగోందిన రాజన్ పిళ్లై అఖరు తమ్ముడైన రాజమోహన్ పిళ్లై (53)ని పోలీసులు అరెస్ట్ చేయడం కేరళ వ్యాపారవేత్తలలను కలవరానికి గురిచేసింది. ఆయన సోదరుడు రాజన్ పిళ్లై కూడా ఓ కుట్ర కేసులో శిక్షను అనుభవిస్తూ.. 1995లో తిహార్ జైలులో వుండగా అస్వస్థతకు గురై అసువులు బాశాడు. దీంతో అన్న మాదిరిగానే తమ్ముడు కూడా జైలు పాలు కావడంతో బెటా గ్రూపుతో వాణిజ్య సంబంధాలు నెరుపుతున్న వ్యాపారవేత్తలలో అందోళన రేగుతుంది. అసలేం జరిగిందంటే...

ఒడిశాకు చెందిన ఓ యువతి ఆయన వద్దకు ఉద్యోగం నిమిత్తం వచ్చింది. అయితే ఉద్యోగం పేరుతో తన ఇంట్లోనే పెట్టుకున్న రాజమోహన్ పిళ్లై.. అమెపై గత ఎనమిది నెలలుగా పలుమార్లు అత్యాచారం జరిపాడు. ఈ క్రమంలో, ఆమె గర్భందాల్చింది. దీంతో, అమెను అబార్షన్ చేయించుకోవాల్సిందిగా చెప్పిన రాజమోహన్ అమె వెంట తన నమ్మకస్తుడైన వ్యక్తిని పంపాడు. బాధితురాలు ఆసుపత్రికి వెళ్లి తనకు అబార్షన్ చేయాల్సిందిగా వైద్యులను కోరింది. అమె ప్రవర్తనపై అనుమానం కలిగిన వైద్యుడు.. అమెను వివరాలు తెలుసుకున్నాడు.

ఒడిషా వచ్చిన తన సహచరుడిని పిలిచిన డాక్టర్ అమెను ఒడిషాలో ప్రశ్నించగా, అసలు విషయం బయటపడింది. పిళ్లై తనను బెదిరించి పలుమార్లు అత్యాచారానికి ఒడిగట్టాడని ఆమె అవేదన వ్యక్తం చేసింది. పెళ్లి చేసుకుంటానని చెప్పి తనను లోబరుచుకున్నాడని చెప్పింది. డాక్టర్లు నిర్వహించిన వైద్య పరీక్షల్లో సైతం ఆమెపై అత్యాచారం జరిగినట్టు నిర్ధారణ అయింది. దీంతో వైద్యులు పోలీసులకు సమాచారం అందించారు. ఈ నేపథ్యంలో పిళ్లైని పోలీసులు అరెస్ట్ చేశారు. మరోవైపు పిళ్లై మాట్లాడుతూ, తనపై వచ్చిన ఆరోపణల్లో నిజం లేదని ఆవేదన వ్యక్తం చేశారు.