శిరీష భర్త కూడా ఇన్ వాల్వ్ అయ్యాడు

Posted: 07/01/2017 09:42 AM IST

బ్యూటీషియన్ శిరీష కేసులో పోలీసులకు మరో కొత్త సవాల్ ఎదురయ్యింది. శిరీష, ప్రభాకర్ లది ముమ్మాటికీ సూసైడేనని పోలీసులు క్లారిటీ ఇచ్చాక అనుమానాలు వ్యక్తం చేస్తూ వస్తున్న బంధువులు అంతా ఒక్కసారిగా సైలెంట్ అయిపోయారు. కానీ, ఆమె భర్త సతీష్ ఇప్పుడు సీన్ లోకి ఎంటర్ అయ్యాడు. కుకునూర్ పల్లిలో శిరీషను హత్య చేశాకే హైదరాబాద్ తీసుకువచ్చి ఉంటారని ఆయన అనుమానం వ్యక్తం చేశారు.

ప్రమాదంలో ఉన్నందునే శిరీష తన లొకేషన్ ని రెండు సార్లు షేర్ చేసిందని అన్నారు. ఆ రోజు తెల్లవారుజామున 1.48 గంటల తర్వాత శిరీష బతికి ఉన్నట్టు ఆధారాలేమైనా ఉంటే పోలీసు అధికారులు చూపించాలంటూ పోలీసులకు సవాల్ విసిరాడు. అంతేకాదు కుకునూరుపల్లిలో సీసీ కెమెరాలు ఎందుకు పనిచేయలేదని, ఆర్జే స్టూడియో దగ్గర సీసీ ఫుటేజ్ ఏమైందని ప్రశ్నించారు. శిరీషపై జరిగిన నేరాన్ని వదిలేసి, ఆమె క్యారెక్టర్ పైనే పోలీసులు ఎందుకు ఫోకస్ చేస్తున్నారని, శిరీష మరణానికి కారకులైన రాజీవ్, శ్రవణ్ నుంచి వాస్తవాలను ఎందుకు రాబట్టడం లేదని ప్రశ్నించారు.

తమది పెద్దలు కుదిర్చిన వివాహమేనని, తమ వ్యక్తిగత జీవితంలో ఎలాంటి పొరపచ్చాలు రాలేదని తెలిపాడు. ఎన్జీవో సంస్థ ఆశ్రే ఆకృతిలో తాను పనిచేస్తుంటానని, చెవిటి, మూగ పిల్లలకు తాను వంట చేసి పెడతానని, తమకు ఎటువంటి ఆర్థిక సమస్యలు లేవని చెప్పాడు. తాను నెలకు పదిహేను వేల రూపాయల వరకు ఆర్జిస్తుండగా, శిరీష ఆర్జే స్డూడియోలో పార్ట్ టైం జాబ్ తోపాటు బెంగళూరుకు చెందిన గెట్ లుక్ సర్వీసెస్ అనే ఆన్ లైన్ బ్యూటీ సర్వీసెస్ లో పని చేస్తూ మొత్తంగా 40 వేల దాకా సంపాదిస్తుందని తెలిపాడు.

ఆర్జే స్టూడియోలో శిరీష చేరి సుమారు కేవలం ఆరు నెలలు అవుతుందని, శిరీష కేరక్టర్ మంచిది కాదని చూపిస్తూ పోలీసులు పక్కదారి పట్టిస్తూ కేసు నీరు గార్చే యత్నం చేస్తున్నారంటూ ఆరోపణలు గుప్పించాడు. మరి దీనికి పోలీసుల రియాక్షన్ ఎలా ఉంటుందో చూడాలి.