మిడ్ నైట్ అఫీసులో ఏం జరిగింది.? బ్యూటీషియన్ మృతికి కారణాలేంటి.?

Posted: 06/14/2017 01:39 PM IST

మిడ్ నైట్ అఫీసులో ఏం జరిగింది. బంజారాహిల్స్ పోలిస్ స్టేషన్ పరిధిలో ఓ బ్యూటీషియన్‌ అనుమానాస్పద స్థితిలో మృతిచెందడానికి కారణమేంటి.. ఇప్పుడివే ప్రశ్నలు సంచలనంగా మారాయి. ఒక ఉద్యోగిని పనిచేస్తున్న కార్యాలయంలో అమెతో అర్థరాత్రి వరకు చేయించుకునే పనులేముంటాయి. కార్యాలయంలో అర్థరాత్రి విధులు నిర్వహిస్తున్న ఉద్యోగిని అకస్మాత్తుగా ఎందుకు ఉరివేసుకుంది. ఈ ప్రశ్నలకు యాజమాన్యమే సమాధానం చెప్పాల్సి వుంది. అసలు అఫీసు పనివేళలు పూర్తైయ్యాక బ్యూటీషన్ కమ్ హెచ్ ఆర్ గా పనిచేస్తున్న మహిళతో అర్థరాత్రి వరకు ఏం పనిచేయిస్తున్నారు. ఈ ప్రశ్నలే ఇప్పడు పోలీసులకు కూడా అర్థంకావడం లేదు.

భర్తకు ఫోన్ చేసి లేటుగా వస్తానని చెప్పిన బ్యూటిషియన్ అనంతలోకాలు ఎందుకు వెళ్లింది..? అసలు అమె మరణం వెనుక వున్న మిస్టరీ ఏమిటీ..? ఇది అమె భర్తతో పాటు బంధువులను కూడా అర్థం కని ప్రశ్న. బంజారాహిల్స్ పోలీస్ స్టేషన్ పరిధిలోని ఫిలింనగర్ లో గల అర్జే ఫోటోగ్రఫీలో శ్రీకృష్ణానగర్ లో నివసించే అరుమిల్లి విజయలక్ష్మి అలియాస్ శిరీష (28) బ్యుటీషియన్ గావిధులు నిర్వహిస్తుంది. దాంతో పాటు అమె హెచ్ అర్ గా కూడా సేవలందిస్తుంది. క్రితం రోజు రాత్రి 8–40 గంటలకు తన భర్త సతీష్ చంద్రకు ఫోన్ చేసి తాను ఆలస్యంగా వస్తానని చెప్పింది. అయితే రాత్రికి ఆమె ఇంటికి రాలేదు. అఫీసులో పని వుంది కాబోలు అనుకున్న భర్త.. తన ఉద్యోగానికి వెళ్లాడు.

బేగంపేటలోని ఆశ్రయ్‌–ఆకృతి పాఠశాలలో కుక్ గా పనిచేసే సతీష్ చంద్ర.. ఉదయమే విధులకు హాజరవుతాడు. అలాగే అరోజు కూడా విధులకు హాజరైన అయనకు బంజారాహిల్స్ పోలీసులు ఫోన్ చేసి తన భార్య పనిచేసే అఫీసుకు రమ్మని పిలిచారు. అక్కడికి వెళ్ళి చూడగా మంచంపైన భార్య శిరీష మృతదేహం కనిపించింది. యజమాని వల్లభనేని రాజీవ్ ను ఏమైందని ప్రశ్నించగా రాత్రి 2 గంటల ప్రాంతంలో ఫ్యాన్ కు ఉరేసుకుందని తానే చున్నీని కత్తిరించి మంచం మీద పడుకోబెట్టానని తెలిపారు. తన భార్య అకస్మాత్తుగా మరణించడం వెనుక అనుమానాలు వున్నా భర్త సతీష్ చంద్ర పిర్యాదు చేయడంతో పోలీసులు కేసు నమోదు చేసుకుని దర్యాప్తు  చేస్తున్నారు.