అంబ పలుకే జగదంబ పలుకంటున్న షీలాదీక్షిత్

Posted: 04/28/2017 06:25 PM IST

దేశంలో కాంగ్రెస్ పార్టీ మళ్లీ పునర్ వైభవం దిశగా అడుగులేయ్యాలంటే తాను చెప్పిన విషయాలను తప్పక ఆచరించాల్సిందేనని అంటున్నారు ఢి్ల్లీ మాజీ ముఖ్యమంత్రి షీలాదీక్షిత్. ఈ విషయంలో తన పలుకు అంబ పలుకేనంటున్నారు. మూడు పర్యాయాలు ఢిల్లీ ముఖ్యమంత్రిగా బాధ్యతలు స్వీకరించిన అమె.. తన విజయసూత్రాలను మాత్రం ఏకంగా మీడియా ముఖంగా చెప్పడంలో ఆంతర్యమేమిటో.. అసలు ఈ విషయాలను ఎవరు పలికిస్తున్నారన్నది మాత్రం తెలియడం లేదన్నది కాంగ్రెస్ వర్గాలు పేర్కొంటున్నాయి.

త్వరలోనే అఖిలభారత కాంగ్రెస్ కమిటీ అధ్యక్షుడిగా బాధ్యతలు చేపట్టనున్న రాహుల్ గాంధీ అమె తన అసహనాన్ని ప్రదర్శిస్తూ.. సోనియా గాంధీ మాదిరిగా రాహుల్ కూడా ప్రతి రోజు తన కార్యాలయంలో రెండు నుంచి మూడు గంటల సమాయాన్ని కేటాయించి పార్టీ నేతలతో చర్చిస్తే పార్టీ గాడిన పడటం ఖాయమని చెప్పారు.  రాహుల్ గాంధీ ఎక్కడెక్కడో గడిపితే సరిపోదని... పార్టీ కార్యాలయంలో అందరికీ అనునిత్యం కొన్ని గంటలైనా అందుబాటులో ఉండాలని ఆమె సూచించారు. ఈ విధంగా చేసే సోనియాగాంధీ పార్టీని పదేళ్ల పాటు అధికారంలో కి తీసుకొచ్చిన విషయాన్ని అమె గుర్తు చేశారు.

సోనియాగాంధీ పార్టీ పగ్గాలను చేపట్టినప్పుడు ప్రతి రోజు ఉదయం కనీసం రెండు మూడు గంటలు పార్టీ కార్యాలయంలో గడిపేవారని... ఇప్పుడు రాహుల్ కూడా ఇదే చేయాలని ఆమె అన్నారు. లేకపోతే పార్టీకి ఇబ్బందులు ఎదురవుతాయని చెప్పారు. అయితే, త్వరలోనే కాంగ్రెస్ పార్టీ పునర్వైభవం పొందుతుందన్న ఆశాభావాన్ని ఆమె వ్యక్తం చేశారు. రాహుల్ గాంధీకి నాయకత్వ లక్షణాలు ఉన్నాయని... వాటిలో కొన్ని ఆయనకు వారసత్వంగా సంక్రమించాయని చెప్పారు. ప్రతి రోజు పార్టీ కార్యాలయానికి వచ్చి, కొన్ని గంటల పాటు పార్టీ వర్కర్స్ తో గడిపితే అంతా సర్దుకుంటుందని అన్నారు.