ఇంజనీరింగ్ విద్యా ప్రవేశాలకు దేశవ్యాప్తంగా కామన్ టెస్ట్..

Posted: 03/16/2017 09:10 PM IST

మెడిసిన్ విద్యను అభ్యసించేందుకు ఒకే దేశం ఒకే విధాననాన్ని తీసుకువచ్చిన కేంద్రం తాజాగా.. ఇంజనీరింగ్ విద్యాభ్యాసంలోనూ అదే విధానాన్ని తీసుకువచ్చేందుకు చర్యలు తీసుకోనుంది. మెడిసన్ విధ్యలో నీట్ పేరిట దేశ‌వ్యాప్తంగా కామ‌న్ ఎంట్రెన్స్ టెస్ట్ ను నిర్వహిస్తున్నట్లుగానే ఇకపై ఇంటనీరింగ్ కోర్సులకు కూడా అలాంటిదే దేశవ్యాప్తంగా ఒకే విధమైన కామన్ పరీక్ష నిర్వహించేందుకు సన్నాహాలు చేయాలని కేంద్రం నిర్ణయం తీసుకుని సంబంధిత శాఖలను అదేశించింది.

అఖిల భారత సాంకేతిక విద్యా మండలి (ఏఐసీటీఈ). వ‌చ్చే ఏడాది నుంచే ఈ కామ‌న్ ఎంట్రెన్స్ టెస్ట్‌ను ప్ర‌వేశ‌పెట్టాల‌ని ఢిల్లీలో జ‌రిగిన ఉన్నత స్థాయి స‌మావేశంలో ఏఐసీటీఈ తీర్మానం చేసింది. ప్ర‌స్తుతం ఇంజ‌నీరింగ్ కాలేజీల్లో  ప్ర‌వేశాల విధానం ఒక్కో రాష్ట్రంలో ఒక్కోలా ఉంది. కొన్ని రాష్ట్రాల్లో జేఈఈ మెయిన్ ద్వారా అడ్మిష‌న్లు చేప‌డుతుంటే..కొన్ని రాష్ట్రాల్లో సొంతంగా పరీక్ష‌ను నిర్వ‌హించి ప్ర‌వేశాలు చేప‌డుతున్నాయి. తెలుగు రాష్ట్రాల్లో ఎంసెట్ ద్వారా అడ్మిష‌న్స్ చేప‌డుతున్నారు.

జాతీయ విద్యా సంస్థలైన ఎన్ఐటీ, ట్రిపుల్ ఐటీతో పాటు కేంద్ర స‌హ‌కారంతో న‌డిచే విద్యాసంస్థలు జేఈఈ మెయిన్ ర్యాంకు  ఆధారంగా ప్రవేశాలు చేప‌డుతున్నాయి. ఐఐటీల్లో మాత్రం జేఈఈ అడ్వాన్స్‌డ్ ద్వారా అడ్మిష‌న్స్ చేపడుతున్నారు. ఈ నేప‌థ్యంలోనే దేశ‌వ్యాప్తంగా కామ‌న్ ఎంట్రెన్స్ టెస్ట్‌తో అంటే జేఈఈ మెయిన్ స్కోరు ఆధారంగా అన్ని కాలేజీల‌కు ప్రవేశాలు చేప‌ట్టాల‌ని ఏఐసీటీఈ ప్రణాళిక సిద్ధం చేస్తోంది. కేంద్రం నుంచి ఆమోదం ల‌భించ‌గానే వ‌చ్చే ఏడాది నుంచే అంటే 2018-19 విద్యాసంవ‌త్సరం నుంచే దీన్ని అమ‌లు చేయ‌నుంది. ఒక‌వేళ కేంద్రం ఈ త‌ర‌హా ప‌రీక్షకు ఓకే చెబితే భ‌విష్యత్తులో ఎంసెట్ ఎగ్జామ్ స్థానంలో ఇక దేశవ్యాప్త కామన్ పరీక్ష వచ్చేయనుంది.