ITEMVIDEOS:జాత్యాంహకార హత్య.. ట్రంప్ నోరు విప్పాడు

Posted: 03/01/2017 08:57 AM IST

Donald trump condemns killing of srinivas kuchibhotla

జాత్యంహకార దాడిపై అమెరికా అధ్యక్షుడు పెదవి విప్పకపోవటం నిరసన వ్యక్తం అవుతుండటం తెలిసిందే. ఈ నేపథ్యంలో పగ్గాలు చేపట్టిన 40 రోజుల తర్వాత అమెరికన్ కాంగ్రెస్ ను ఉద్దేశించి తొలిసారి ప్రసంగించిన ట్రంప్ శ్రీనివాస్ కూచిభోట్ల హత్యపై స్పందించాడు. కాన్సస్ కాల్పుల ఘటనను తాను ఖండిస్తున్నట్లు తెలిపాడు. దేశంలో ఇటువంటి దాడులకు చోటు లేదని స్పష్టం చేశారు. ప్రపంచంలోనే అమెరికా అతి శక్తిమంతమైన దేశమని, అమెరికా పౌరులను కాపాడాల్సిన బాధ్యత తనపై ఉందన్నారు.

అమెరికన్ల ప్రయోజనాలే తనకు ముఖ్యమని, వారికి ఉద్యోగాలు దక్కేలా చూస్తానని హామీ ఇచ్చారు. అధ్యక్ష బాధ్యతలు చేపట్టిన నెలరోజుల్లోనే అద్భుతమైన మార్పులు తీసుకొచ్చినట్టు చెప్పారు. కంపెనీలు వెనక్కి వస్తున్నాయని పేర్కొన్న ట్రంప్ మాజీ అధ్యక్షుడు ఒబామాపై విమర్శలు చేశారు. ఆయన హయాంలో దేశంలో ఉగ్రదాడులు పెరిగాయని ఆరోపించారు. దేశంలో డ్రగ్స్‌ను అరికడతామని హామీ ఇచ్చారు.

విద్వేష దాడులను ముక్త కంఠంతో ఖండించాలని, ఇలాంటి విద్వేష దాడులకు అమెరికాలో తావు లేదంటూ మరోసారి ప్రకటించాడు. అంతకు ముందు శ్రీనివాస్ కూచిభొట్ల మృతికి అమెరికా కాంగ్రెస్ నిమిషంపాటు మౌనం పాటించారు. శ్రీనివాస్‌ది ముమ్మాటికీ జాత్యాహంకార దాడేనని వైట్ హౌజ్ అంగీకరించింది. ‘ఇప్పటివరకు వెల్లడైన వాస్తవాలను బట్టి చూస్తే కాన్సస్ కాల్పులు.. జాతి వివక్షతో కూడిన విద్వేష దాడిగా రూడీ అవుతోంది. జాత్యంహకార దాడులను అధ్యక్షుడు డొనాల్డ్ ట్రంప్ తీవ్రంగా ఖండిస్తారు. ఇటువంటి దాడులను సహింబోమ’ని వైట్ హౌస్ అధికార ప్రతినిధి సారా శాండర్స్ మీడియాతో తెలిపాడు. గత బుధవారం రాత్రి కాన్సస్ లోని ఆస్టిన్స్ బార్‌లో ఆడమ్ పూరింటన్ అనే వ్యక్తి జరిపిన కాల్పుల్లో కూచిభొట్ల శ్రీనివాస్ మృతి చెందాడు. మరో తెలుగు ఇంజనీర్ అలోక్ రెడ్డి, అమెరికన్ ఇయాన్‌ గ్రిల్లాట్‌ గాయపడ్డ విషయం తెలిసిందే.

నా దేశం విడిచిపో.. అంటూ చంపాడు

తెలుగోళ్లే ఎందుకు టార్గెట్?