ఇండిగో విమానం ఎమర్జెన్సీ డోర్ తెరిచిన ప్రయాణికుడు

Posted: 02/10/2017 06:44 PM IST

Indigo passenger opens emergency exit at mumbai airport

ముంబై విమానాశ్రయంలో భధ్రతకు ఇవాళ విఘాతం ఏర్పడింది. రన్ వే నుంచి బయలుదేరుతూ టేకాఫ్‌ అవుతున్న సమయంలో ఓ ప్రయాణికుడు విమానం ఎమర్జెన్సీ డోర్ ను తెరవడంతో కలకలం రేగింది. 176 మంది ప్రయాణికులతో ఛండీగడ్ కు బయలుదేరిన విమానంలో ప్రయాణికుడి చర్యతో భద్రతపై ప్రశ్నలు ఉత్పన్నమయ్యాయి. విమాన సిబ్బంది సమాచారాన్ని వెనువెంటనే పెలైట్ కు అందించడం.. ఆయన విమానాశ్రయ గ్రౌండ్ సిబ్బందికి దానిన చేరవేయడంతో విమానం సుమారు రెండు గంటల పాటు నిలిచిపోయింది.

ఇటీవల ఓ ప్రయానికుడు విమానం సుమారుగా 36వేల అడుగుల ఎత్తులో వున్న సమయంలో ఇలాగే ఎమర్జెన్నీ డోర్ ను తీసే ప్రయత్నం చేసి విఫలం కాగా, ముంబఐ విమానాశ్రయంలో టేకాఫ్ కు సిద్దంగా వున్న విమానంలో ఎమర్జెన్సీ డోర్ ను తీసిన ఘటన సంచలనంగా మారింది. దీంతో విమానంలో ప్రయానిస్తున్న ఓ ప్రయాణికుడికి తీవ్ర గాయాలయ్యాయి. పైలట్ అందించిన సమాచారం మేరకు విమానాశ్రయ గ్రౌండ్ సిబ్బంది హుటాహుటిన సదరు ప్రయాణకిడ్ని చికిత్స నిమిత్తం అసుపత్రికి తరలించారు.

వివరాల్లోకి వెళ్తే.. టేకాఫ్ అవుతున్న స‌మ‌యంలో 12సీ సీటులో కూర్చున్న ప్ర‌యాణికుడు ఒక్క‌సారిగా లేచాడ‌ని, అనంత‌రం విమానం ఎమర్జెన్సీ డోర్ ను బలంగా తెరిచాడని సంబంధిత‌ అధికారులు పేర్కొన్నారు. దీంతో 12 ఎ సీటులో కూర్చున్న మ‌రో ప్రయాణికుడికి గాయాల‌య్యాయ‌ని, బాధితుడికి చికిత్స అందిస్తున్నామ‌ని తెలిపారు. అత్యవ‌స‌ర ద్వారం తెర‌చి అత్యుత్సాహం ప్రద‌ర్శించిన ప్రయాణికుడిని సీఐఎస్ఎఫ్ పోలీసులు అదుపులోకి తీసుకున్నారు. ఘటనపై సీఐఎస్ఎఫ్ అధికారులు పోలీసులకు సమాచారం అందించి ఎఫ్ఐఆర్ నమోదు చేశారు.