ITEMVIDEOS:బెంగళూరు లైంగిక వేధింపుల సంచలన వీడియో

Posted: 01/04/2017 10:28 AM IST

హైటెక్ నగరం బెంగళూర్ మహిళలకు ఏ మాత్రం భద్రత లేదని మరోసారి నిరూపించింది. నూతన సంవత్సరం సందర్భంగా జరిగిన సామూహిక అకృత్యాల కాండ ఇంకా వార్తల్లో నానుతుండగానే, మరో దారుణమైన ఘటన వెలుగు చూసింది. అర్థరాత్రి అంత చూస్తుండగానే ఓ యువతిపై ఇద్దరు యువకులు అసభ్యకరంగా ప్రవర్తించిన తీరు వీడియో ఫుటేజీ ద్వారా బయటపడింది.

తూర్పు బెంగళూరు కమ్మానహల్లి ప్రాంతానికి చెందిన ఓ యువతి నూతన సంవత్సరం వేడుకలకు హాజరై తిరిగి ఇంటికి పయనమైంది. అర్థరాత్రి 2.30 సమయంలో ఆటో దిగి ఇంటికి నడుచుకుంటూ వెళ్తుండగా, ఓ ఇద్దరు యువకులు వెంబడించారు. బండిని పక్కన ఆపి అందులో ఒకడు ఆమెను చుట్టుముట్టి వేధించాడు.

 

యువతి వక్షోజాలను గట్టిగా పట్టుకుని ముద్దు పెట్టుకుని అసభ్యంగా ప్రవర్తించాడు. దాంతో యువతి అతని చెంపపై గట్టిగా వాయించింది. రెచ్చిపోయిన ఆ మృగం ఇష్టం వచ్చినట్లు యువతిని తాకాడు. ఆపై మెల్లిగా బైక్ దగ్గరికి లాక్కెళ్లగా ఇంకో యువకుడు కూడా అసభ్యరీతిలో రెచ్చిపోయారు. అక్కడ ఓ ఇంట్లో అమర్చిన సీసీ కెమెరా పుటేజీలో అదంతా రికార్డ్ అయ్యింది. దారినపోయే వాళ్లు ఆగి మరీ చూడటం అందులో కనిపిస్తోంది. యువతి బాధతో ఏడుస్తుంటే, ఆ దారిన పోతున్న వారు చూస్తూ ఆగిపోయారే తప్ప, ఒక్కరైనా ఆమెకు సాయపడేందుకు ముందుకు రాలేదు.

జనసందోహం ఎక్కువ కావటంతో ఆ ఇద్దరు అక్కడి నుంచి పరారయ్యారు. వీడియో మీడియాలో సంచలనం కలిగించగా, పోలీసులు సీసీ కెమెరా ఫుటేజ్ ని పరిశీలిస్తున్నట్టు తెలిపారు. కేవలం ఆమె ఇంటికి 50 మీటర్ల దూరంలోనే జరిగిన ఈ హఠాత్ పరిణామంతో యువతి భీతిల్లిపోయింది.