ఆ మంత్రి వాట్సాప్ నిండా బూతు బొమ్మలే!

Posted: 11/11/2016 10:53 AM IST

పబ్లిక్ ప్లేసులో పోర్న్ వీడియోల వేషాలు మన నాయకులకు కొత్తేం కాదు. సాక్షాత్తూ చట్టసభల సాక్షిగానే మంత్రులు వెకిలి చేష్టలు గతంలో చాలానే బయటపడ్డాయి. ఇక ఇప్పుడు కర్ణాటక మంత్రి తన్వీర్ సేఠ్ వంతు వచ్చింది. ప్రాథమిక, మాధ్యమిక విద్యాశాఖ మంత్రిగా ఉన్న ఆయన వ్యవహారంతో పార్టీకి తలవంపులు తీసుకొచ్చారు.

టిప్పు సుల్తాన్ జయంతి సందర్భంగా రాయచూర్ లో నిర్వహించిన కార్యక్రమంలో, తన మొబైల్ ఫోన్ లో వాట్సాప్ కి వచ్చిన నీలి చిత్రాలు చూస్తూ మీడియాకు ఆయన అడ్డంగా బుక్కయ్యారు. సాక్షాత్తూ పక్కన వ్యవసాయ శాఖ మంత్రి కృష్ణా బైరే సమక్షంలోనే ఈ తతంగం జరగటం విశేషం. ఈ వార్త అన్ని చానళ్లలో రావడంతో రాష్ట్రంలోని కాంగ్రెస్ ప్రభుత్వం ఇబ్బందుల్లో పడింది. అయితే తాను చేసిన ఘనకార్యాన్ని తన్వీర్ నిస్సిగ్గుగా సమర్థించుకున్నారు.

"తాను ఇల్లు విడిచి మూడు నెలలు అయింది" అంటూ నీతిబాహ్యమైన సమాధానం ఇచ్చారు. అంతేకాదు తానసలు ఆ వీడియోలు చూడలేదని, కేవలం టిప్పుకు సంబంధించిన కొన్ని వీడియోలు చూశానంటూ బుకాయించాడు కూడా. దీనిపై ముఖ్యమంత్రి సిద్ధరామయ్య, హోంమంత్రి పరమేశ్వర్ లు మీడియాతో మాట్లాడుతూ పూర్తి సమాచారం తెలుసుకున్న తర్వాత నిర్ణయం తీసుకుంటామని చెప్పారు. మరోపక్క ఈ ఘటనపై రాష్ట్ర కాంగ్రెస్ వ్యవహారాల ఇన్ ఛార్జ్ దిగ్విజయ్ సింగ్ నివేదిక కోరినట్టు తెలుస్తోంది. ప్రస్తుతం ప్రతిపక్షాలు ఆయన రాజీనామాను డిమాండ్ చేస్తున్నాయి.,