ITEMVIDEOS: మహిళ అధికారిపై.. అగంతకుడు కత్తితో దాడి..

Posted: 10/17/2016 01:59 PM IST

కర్ణాటకలోని కోటిలింగేశ్వర్ అలయ అధికారిపై అగంతకుడు నిర్థాక్షిణ్యంగా దాడి చేశాడు. అమె అలయంలోని తన కార్యలయం బయట పిట్టగోడ నుంచి ఏవరితోనే మాట్లాడుతున్న క్రమంలో వెనుక నుంచి వచ్చిన అగంతకుడు అమె తలపై బలంగా కత్తితో దాడి చేశాడు. అమె తప్పించుకునే ప్రయత్నం చేసే క్రమంలో మరోమారు అధికారినిపై దాడి చేశాడు. ఈ క్రమంలో కార్యాలయంలోకి వచ్చిన పలువురు అగంతకుడిని పట్టుకునే ప్రయత్నం చేయగా అతడు తప్పించుకున్నాడు. తీవ్రగాయాలపాలైన అధికారి భక్తులు, కార్యాలయ సిబ్బంది హుటాహుటిన అస్పత్రికి తరలించారు. అయితే అమె పరిస్థితి విషమంగానే వున్నట్లు ఆర్ ఎల్ జలప్ప అసుపత్రి వైద్యులు తెలిపారు.

సమాచారం అందుకున్న బంగార్ పేట్ తాలుకాలోని బేత్ మంగళ పోలీసులు రంగంలోకి దిగి అలయ అధికారిపై దాడికి పాల్పడిన యువకుడని అదుపులోకి తీసుకున్నారు. అతన్ని విచారించగా, తన పేరు సంతోష్ అని చెప్పిన యువకుడు.. తన తండ్రి గతంలో మహాత్మగాంధీ జాతీయ గ్రామీణ ఉపాధి హామీ పథకం కింద చేసిన పనులకు గాను బిల్లులు చెల్లింపులో జాప్యమే అతని దాడికి కారణమని తెలిసింది. గతంలో అమె కమ్మసండ్ర గ్రామపంచాయితీ అధికారిణిగా వున్న సమయంలో తన తండ్రి అదే గ్రామంలో పనులు చేశారని, అందుకు గాను తమకు రావాల్సిన బిల్లుల విషయంలో అమె జాప్యం చేసిందని తెలిపాడు.

ఎన్ని సార్లు బిల్లుల చెల్లింపుల విషయమై అమెను అర్థించినా.. అమె పట్టించుకోలేదని, అదే బెంగతో తన తండ్రి కొన్నేళ్ల క్రితం మరణించాడని అగంతకుడు పోలీసులకు వివరణ ఇచ్చాడు, తన తండ్రి మరణానంతరం తాను కూడా బిల్లుల కోసం అనేక పర్యాయాలు అధికారి కుమారి చుట్టూ తిరిగానని.. అమె పట్టించుకోకుండా నిర్లక్ష్యంగా వ్యవహరించడంతో చేసేది లేక చివరాఖరున తాను దాడికి పాల్పడినట్లు చెప్పారు. సంతోష్ కత్తి దాడిలో తీవ్రగాయాల పాలైన అధికారి కుమారి పరిస్థితి విషమంగానే వుందని వైద్యులు తెలిపారు.