ITEMVIDEOS:కాస్తుంటే ఆ యువతి పరిస్థితి ఏమయ్యేది?

Posted: 09/26/2016 03:26 PM IST

కాస్త నిర్లక్ష్యం ప్రదర్శించినా చాలూ ప్రాణాలు గాల్లో కలిసిపోయే ప్రమాదం ఉంటుంది. అందుకే అప్రమత్తంగా ఉండాలి. ఇక్కడ ఓ యువతి ఇలాగే అజాగ్రత్తతో కాస్తలో ప్రాణాపాయ స్థితి నుంచి బయటపడింది. వేగంగా వెళ్తున్న రైల్లోంచి దూకేసింది. అయితే ఆ వేగానికి రైలు అమాంతం ఆ అమ్మాయిని లోపలికి లాగేసింది. మరి ఆ తర్వాత ఏం జరిగిందో ఈ వీడియో చూడండి.

 

మహారాష్ట్రలోని లోనా వలాలో ఓ యువతి రన్నింగ్ ట్రయిన్ లోంచి అమాంతం దూకేసింది ఆ స్పీడ్ కి రైలు లాగేసుకోగా, ఓ పోలీస్ కానిస్టేబుల్ అప్రమత్తం కావటంతో ప్రమాదం నుంచి బయటపడింది. కాకినాడ ఎక్స్ ప్రెస్, స్టేషన్ కి చేరుకోగానే ఓ జంట వేగంగా ఉండగానే ట్రయిన్ లోంచి దూకేసింది. యువకుడు ఫ్లాట్ ఫామ్ మీద పడిపోగా, యువతి మాత్రం ఆ వేగానికి రైలు కిందకు వెళ్లిపోయింది.

అయితే అదృష్టవశాత్తూ పట్టాల లోపలి దాకా వెళ్లిపోకుండా మధ్యలోనే యువతి ఆగిపోయింది. ఇది గమనించిన ఓ రైల్వే కానిస్టేబుల్ వెంటనే స్పందించాడు. పరిగెత్తుకుంటూ వెళ్లి ఆ యువతిని బయటికి లాగేశాడు. నిర్లక్ష్యంగా ఉంటే ప్రాణ నష్టం తప్పదని, దయచేసి ఇలాంటి ఫీట్లు చెయొద్దని రైల్వే శాఖ హెచ్చరికలు జారీ చేస్తోంది. ప్రస్తుతం ఈ వీడియోలో నెట్ లో వైరల్ గా మారింది.