ITEMVIDEOS:ఆ బాలుడి కష్టం నవ్వు తెప్పించకమానదు

Posted: 08/18/2016 03:02 PM IST

చిన్నపిల్లలు వస్తువులు మింగేసి ప్రమాదాల బారిన పడటం తరచూ మనం చూస్తున్నదే. అయితే ఇక్కడ ఓ బాలుడు చిన్న కుక్క బొమ్మ మింగేసిన ఒక కుర్రాడి చేస్తున్న హడావిడికి అంతా ఇంతా కాదు.

అమెరికాకు చెందిన ఆంథోనీ తన దగ్గర ఉన్న ఓ చిన్న కుక్క బొమ్మను మింగేశాడు. తర్వాత దానిని తీయడం సాధ్యం కాకపోవడంతో లబోదిబోమంటున్న ఆ కుర్రాడిని కుటుంబ సభ్యులు ఆస్పత్రికి తీసుకెళ్లారు. ఏం జరిగిందని వైద్యులు ఆ కుర్రాడిని ప్రశ్నించినప్పుడు సమాధానం విని అంతా ఆశ్చర్యపోయారు.

 

ఎందుకంటే.. ఆ కుర్రాడు మాట్లాడిన ప్రతిసారి మాటలకు బదులు కుక్కపిల్ల అరుపులు వినిపిస్తున్నాయి. గట్టిగా గాలిపీల్చినా, వదిలినా, చివరికి దగ్గినా కూడా అదే కుక్కపిల్ల సౌండే. దీంతో బాలుడి కడుపులోంచి బొమ్మను తొలగించేందుకు ప్రయత్నాలు ప్రారంభించిన వైద్యులకు ఇలా వీలుకాకపోవడంతో ఆపరేషన్ చేయాలని నిర్ణయించుకున్నారట.

ఈ వీడియో చూస్తుంటే రాజేంద్రప్రసాద్ బామ్మబాట బంగారు బాట చిత్రంలో నూతన్ ప్రసాద్ ఓ సన్నివేశంలో విజిల్ మింగిన సన్నివేశం గుర్తు రాక మానదు. ఎలాగైతే నేం భానుమతి బామ్మ దెబ్బకి అది బయటికి వచ్చేస్తుంది. కానీ, ఇక్కడ పిల్లాడి పరిస్థితే పాపం. ప్రస్తుతం సోషల్ నెట్ వర్క్స్ లో హల్ చల్ చేస్తున్న ఈ వీడియో అప్ లోడ్ అయిన కొన్ని గంటల్లోనే దాదాపు 90 లక్షల మంది చూశారట. అయితే ఈ వీడియో చూసిన తర్వాత ఈ కుర్రాడు బాధసంగతి మరిచిపోయి మరీ పడీ పడీ నవ్వుతున్నాడండీ. అది మ్యాటర్.