ITEMVIDEOS: ధరాఘాతంపై ప్రధాని మోదీపై రాహుల్ డైరెక్ట్ అటాక్

Posted: 07/28/2016 05:56 PM IST

పార్లమెంట్ వేదికగా కాంగ్రెస్ పార్టీ ఉపాధ్యక్షుడు రాహుల్ గాంధీ డైరెక్ట్ అటాక్ చేశారు. ధరల పెరుగుదలపై నిలదీశారు. గతంలో హిమాచల్ ప్రదేశ్‌లో ఎన్నికల ప్రచార సభలో మోదీ తాము అధికారంలోకి వస్తే ధరలు తగ్గిస్తామని హామీ ఇచ్చి ఆచరణలో విఫలమయ్యారని ఆరోపించారు. ధరలు తగ్గించే తేదీని ప్రకటించాలని రాహుల్ కోరారు. ధరలను ఎప్పుడు నియంత్రించగలరో, ద్రవ్యోల్బణాన్ని ఎప్పుడు తగ్గిస్తారో తెలపాలని డిమాండ్ చేశారు. ధరల పెరుగుదలపై ప్రధాని మోదీ మౌనం వీడాలని సూచించారు.

ఈ సందర్బంగా ప్రధాని మోడీ విధానాలను తీవ్రంగా ఆక్షేపించిన రాహుల్ బీజేపీ రెండేళ్ల పాలనను తూర్పారా పట్టారు. 'మోడీ ప్రభుత్వం కొద్ది రోజుల క్రితమే రెండేళ్ల పాలన పూర్తి చేసుకున్న సందర్భంగా మాట్లాడిన మోడీ మేక్ ఇండియా, కనెక్ట్ ఇండియా, డిజిటల్ ఇండియా అంటూ మాట్లాడారు తప్పితే, దేశంలో పెరిగిన పప్పులు, ఆలుగడ్డలు, టొమోటో ధరలపై మాత్రం నోరు మెదపలేదని' ఆరోపించారు రాహుల్. ధరల పెరుగుదలకు సంబంధించి నిబద్దతలేని హామిలు ఇవ్వడం సరికాదన్న రాహుల్ సూచించారు.

స్టార్టప్ ఇండియా, మేక్ ఇన్ ఇండియా లాంటి పథకాల్లో నకిలీ హామిలు ఇవ్వవచ్చేమో గానీ ధరల పెరుగుదలలో మాత్రం కాదని ప్రధాని మోడీకి సూచించారు. కేంద్ర ప్రభుత్వ పోకడలను తీవ్రంగా తప్పుబట్టిన ఆయన..స్వచ్ఛ భారత్ ద్వారా దేశమంతా పరిశుభ్రంగా మారిందని అధికార పక్షాన్ని ఎద్దేవా చేశారు. కేంద్ర ప్రభుత్వ విధానాలను తూర్పారబట్టారు. స్వచ్ఛభారత్‌తో దేశమంతా పరిశుభ్రమైందని రాహుల్‌ ఎద్దేవా చేశారు.