ITEMVIDEOS: 36 మంది నకిలీ వైద్యుల అరెస్ట్

Posted: 06/20/2016 02:57 PM IST

బీహర్ టాపర్స్ స్కాం సరికొత్త మలుపు తిరిగింది. సెంట్రల్ ఇన్వెస్టిగేషన్ బ్యూరో (సీబీఐ) విచారణలో ఆసక్తికర విషయాలు వెలుగు చూస్తున్నాయి. ఈ కుంభకోణం అంతర్జాతీయ సరిహద్దులు దాటేసిందన్న అనుమానాలు నిజమని తేలుతున్నాయి. ఇందుకు సంబంధించి 36 మంది వైద్యులను నేపాల్ లో సీబీఐ అరెస్ట్ చేసింది. వీరంతా బీహార్ నుంచే నకిలీ సర్టిఫికెట్లు పొందినట్లు రుజువైంది.

నేపాల్ లో వీరంతా వేర్వేరు ప్రాంతాల్లో వైద్యులుగా చెలామణి అవుతున్నారు. కాగా, ప్రస్తుతం వీరంతా జ్యుడీషియల్ కస్టడీలో ఉన్నారు. విచారణ కోసం వీరందరిని తమ కస్టడీకి ఇవ్వాలని న్యాయస్థానాన్ని సీబీఐ కోరుతోంది. వీరికి ఫేక్ అకాడమీ సరిఫ్టికెట్లు, ఎలా వచ్చాయి. విద్యాధికారుల హస్తం ఉందా? లేక రాజకీయ కోణం ఉందా? ఇంకా ఏయే దేశాలకు ఇది విస్తరించింది? తదితర అంశాలపై సీబీఐ విచారణ చేపట్టనుంది. ఓ జాతీయ ఛానెల్ బయటపెట్టిన టాపర్ల బాగోతంతో తీగ లాగితే ఇప్పుడు డొంకంతా కదులుతోంది.   

భాస్కర్