యువ ఐపీఎస్ అధికారిది ఆత్మహత్య కాదా.?

Posted: 06/17/2016 04:04 PM IST

విశాఖపట్నం జిల్లా యువ ఐపీఎస్ అధికారి పాడేరు అడిషనల్ ఎస్పీ శశికుమార్ ది అత్మహత్యా..? హత్యా అన్న ప్రశ్నలు ఉత్పన్నమవుతున్న నేపథ్యంలో ఆయనది ఆత్మహత్య కాదన్న అనుమానాలు బలపడుతున్నాయి. ప్రమాదవశాత్తూ రివాల్వర్ పేలి చనిపోయాడని నిన్న ఉదయం కథనాలు వెలుగులోకి రాగా, కాదు అయనది అత్మహత్య అని, ఆయన మరఛించిన బంగ్లాలో అయన రాసిపెట్టినట్లుగా భావిస్తున్న ఓ సూసైడ్ నోట్ కూడా దోరికిందని, అయితే ఆయన తల్లిదండ్రులు అనుమతిస్తే గాని దానిని బయటపెట్టబోమని ప్రభుత్వ వర్గాలు నిన్న సాయంత్రం పేర్కోన్నారు.

ఇదిలావుండగా, ఈ రెండు కథానాలకు భిన్నంగా మరిన్ని కథనాలు వెలుగులోకి వస్తున్నాయి. శశికుమార్ ది ఆత్మహత్య కాదని, ఆయన రివాల్వర్ మిస్ ఫైర్ వల్ల కూడా మరణించలేదని వార్తలు రాష్ట్ర పోలీసు వర్గాల్లో ప్రకంపనలు పుట్టిస్తున్నాయి. ఆయనది హత్యా..? అన్న అనుమానాలు బలపడతున్నాయి. యువ ఐపీఎస్ అధికారిని ఎవరు..? ఎందుకు చంపాల్సిన అవసరం ఏర్పడిందన్న ప్రశ్నలు కూడా రెకెత్తుతున్నాయి. ఇందుకు శశికుమార్ మృతదేహానానికి తీసిన ఎక్స్‌రేలో కీలక విషయాలు బయటపడ్డాయి. అవే ప్రస్తుతం అనేక అనుమానాలకు దారితీస్తున్నాయి.

శశికుమార్ పోస్టుమార్టం నిర్వహించిన వైద్యులు ఆయన తల మూడు భాగాలుగా పగుళ్లు ఏర్పడగా... గొంతులో బంతిలాంటి వస్తువు ఉన్నట్లు గుర్తించారు. మాట రాకుండా ఎవరైనా గొంతులో ఏదైనా వస్తువును కుక్కారా అన్న అనుమానాలు కలుగుతున్నాయి. మరోవైపు పాడేరు చేరుకున్న సీఐడీ టీమ్‌ విచారణ ప్రారంభించింది. ఘటనా స్థలంలో ఆధారాలను సేకరించినట్లు తెలుస్తోంది. తెల్లవారుజామున ఏఎస్పీ బంగ్లాలో కాల్పులు వినిపించడంతో అప్రమత్తమైన సిబ్బంది ఆయన గదిలోకి చేరుకుని రక్తపు మడుగులో వున్న ఆయనను అస్పత్రికి తరలించారు. అప్పటికే అయన ప్రాణాలు కోల్పోయారని వైద్యులు తెలిపారు.

మనోహర్