సెక్స్ రాకెట్ లో సెలబ్రిటీల పట్టివేత

Posted: 06/08/2016 05:56 PM IST

ముంబై పోలీసులు  బుధవారం హై ఫ్రోఫైల్ సెక్స్ రాకెట్ ను చేధించారు. పలువురు ప్రముఖులతోపాటు ఒకరిద్దరు టాప్ మోడళ్లను కూడా ఇందులో అరెస్ట్ చేసినట్లు తెలుస్తోంది. పాపులర్ క్రైమ్ టీవీ షో సావదాన్ ఇండియా యాంకర్ కూడా ఇందులో ఉన్నట్లు తెలుస్తోంది. సోషల్ మీడియా ద్వారా క్లైయింట్లను ఆకర్షిస్తున్నారంటూ పోలీసులకు పక్కా సమాచారం అందటంతో దాడులు నిర్వహించగా ఈ గుట్టురట్టయ్యింది.

సెక్స్ రాకెట్ సూత్రధారులుగా అనుమానిస్తున్న శాయ్‌రా, అష్రఫ్ అలియాస్ అమన్‌ను పోలీసలు అరెస్ట్ చేయగా, వీరు నేరాన్ని ఒప్పకున్నట్లు తెలుస్తోంది. విటుల నుంచి 50 వేల రూపాయల నుంచి లక్ష దాకా వసూలు చేసినట్లు వారు చెప్పారు. ఇక పట్టుబడిన వారిలో ఎక్కువ మంది బిగ్‌షాట్స్ ఉన్నట్లు తెలుస్తోంది. కార్పొరేట్ రంగ ప్రముఖులు కూడా ఇందులో ఎక్కువగా ఉన్నట్లు సమాచారం. సోషల్ మీడియా ద్వారా ఈ వ్యవహారం అంతా నడిచినట్లు క్రైం బ్రాంచ్ పోలీసులు వివరించారు. కాగా, నగరం నడిబోడ్డున ఓ భారీ సెక్స్ రాకెట్‌ బయటపడటంతో దేశ వాణిజ్య రాజధానిలో ఇప్పుడు అలజడి మొదలైంది.

భాస్కర్