కేరళ అమ్మాయిలు జీన్స్ విప్పడానికి కారణం తెలుసా?

Posted: 06/08/2016 10:18 AM IST

తమ కాలేజీలో జీన్స్ నిషేధాన్ని నిరసిస్తూ కొంతమంది కేరళ అమ్మాయిలు దిగిన ఫోటో సోషల్ మీడియాలో ఇప్పుడు వైరల్ అవుతున్న సంగతి తెలిసిందే. తమ జీన్స్ ప్యాంట్లను విప్పేసిన ఆ అమ్మాయిలు వరుసగా నిల్చుని, లుంగీలు కట్టి మరీ ఫోజులిచ్చారు. మొకాళ్ల దాకా లుంగీ మడిచి స్టైల్ గా దిగిన ఆ ఫోటోలుగత రెండు రోజులుగా వైరల్ అవుతున్నాయి. కాలేజీ యాజమాన్య ఉత్తర్వులకు నిరసనగానే తాము ఈ పని చేశామంటూ కింద సందేశాన్ని కూడా పోస్ట్ చేశారు. అయితే ఆ అమ్మాయిల లుంగీ కహానీ అందుకు కాదంట. సదరు ఫొటో రియల్ దే అయినప్పటికీ, కారణం మాత్రం వేరే ఉందని తెలుస్తోంది.

ఆ అమ్మాయిలంతా టాలీవుడ్ సూపర్ స్టార్ మహేష్ బాబు ఫ్యాన్స్. గతేడాది శ్రీమంతుడు సినిమాలో మహేష్ ఓ పాటలో లుంగీ అవతారంలో కనిపించిన సంగతి తెలిసిందే.  సినిమా రిలీజైన టైంలోనే వారంతా ఆ ఫోటోలు దిగి ఫేస్ బుక్, ట్విట్టర్లో పోస్ట్ చేశారు. మగరాయుళ్లలా ఫోజులిస్తూ దిగిన ఆ ఫోటోలను అప్పట్లో పలువురు సెలబ్రిటీలు కూడా షేర్ చేశారు కూడా. అయితే ఇప్పుడు అదే ఫోటోను మళ్లీ అప్ లోడ్ చేసి ఇలా ఓ కాలేజీ యాజమాన్యంను వార్తల్లోకి ఎక్కించారు. ఆ పని చేసింది ఎవరో తెలీకపోయినా పాత ఫోటోతో మళ్లీ బాగా ఫేమస్ అయ్యారంటూ ఇప్పుడు చమ్మక్కులు పేలుతున్నాయి.

ఇక ఇప్పుడు ఈ ఫోటో, వార్త నిజమనుకున్న పలువురు సెలబ్రిటీలు కూడా మోసపోయారు. హాట్ యాంకర్ అర్చనా విజయ్ ఫెమినిజం, వారి పోరాటం అద్భుతం అంటూ ఓ ట్వీట్ చేయగా,  ఫేమస్ హెర్ స్టైలిష్  స్వప్న మోతీ భవానీ వారి నైతికతకు జోహార్లు అంటూ మళ్లీ ఆ ఫోటోతో పోస్ట్ చేసింది. అసలు ఈ అమ్మాయిలంతా కేరళకు చెందినవారా? తెలుగువారా? అన్న విషయంలో కూడా అసలు క్లారిటీ లేదంటూ ఓ విషయాన్నంతా ప్రముఖ దిన పత్రిక ‘మిడ్ డే’ తన కథనంలో పేర్కొంది.

భాస్కర్