విద్యార్థులకు నీట్ నుండి ఊరట

Posted: 05/20/2016 02:44 PM IST

దేశవ్యాప్తంగా విద్యార్థులను గందగోళంలో పడేసిన నీట్ నుండి తెలుగు విద్యార్థులకు ఊరట లబించింది. ఆలిండియా టెస్ట్ ద్వారానే మెడికల్ డెంటల్ కోర్సుల్లో అడ్మిషన్లు జరపాలని, అది ఈ ఏడాది నుంచే జరగాలని సుప్రీంకోర్టు ఇచ్చిన ఆదేశాలను పక్కన పెట్టింది కేంద్రం. నీట్ నిర్వహణను ఏడాది పాటు వాయిదా వేస్తూ ఆర్డినెన్స్ తెచ్చింది. ఈ ఉదయం సమావేశమైన కేంద్ర మంత్రివర్గం ఈ నిర్ణయం తీసుకుంది. రాష్ట్రపతి ఆమోదముద్ర పడగానేఈ ఆర్డినెన్ష అమల్లోకి వస్తుంది.

రెండు దశల్లో నీట్ నిర్వహణకు కేంద్రం, మెడికల్ కౌన్సిల్ ఆఫ్ ఇండియా పచ్చజెండా ఊపినా ఈ ఆఖరి క్షణంలో నీట్ నిర్వహణ వల్ల వేలాది మంది విద్యార్థులు ఇబ్బంది పడతారని, వారిని గందరగోళంలో పడేయడం సరికాదని తెలంగాణా, ఆంధ్రప్రదేశ్ సహా చాలా రాష్ట్రాలు కేంద్రం నిర్వహించిన ఓ సమావేశంలో మొరపెట్టాయి. సుప్రీంకోర్టు మాత్రం నిర్ణయాన్ని మార్చడానికి ససేమిరా అనడంతో ఓ రకమైన ప్రతిష్టంభన నెలకొంది. చివరకు రాష్ట్రాల అభిప్రాయాల సాకుతో కేంద్రం ఆర్డినెస్స్ మార్గాన్ని ఎంచుకుంది. దీని ప్రకారం ఈ ఏడాది ఏ రాష్ట్రానికారాష్ట్రం మెడికల్ పరీక్ష నిర్వహించుకోవచ్చు. అయితే ఎంసెట్ పరీక్ష పూర్తయిన ఆంధ్ర, తెలంగాణాల పరిస్థితి ప్రశ్నార్థకమైంది.