https://mail.teluguwishesh.com/
Osama Bin Laden | Terrorists | Jihads | Liberate Palestine | Hamza bin Laden | audio message | Al Qaeda terrorist group
అంతర్జాతీయ ఉగ్రవాది ఒసామా బిన్‌ లాడెన్ వారసుడు తెరమీదకు వచ్చాడు. లాడెన్ 23 ఏళ్ల కుమారుడు హమ్జా బిన్‌ లాడెన్ తండ్రి బాటలో అల్‌-ఖైదా సంస్థ నాయకత్వాన్ని స్వీకరించే దిశగా అడుగులు వేస్తున్నాడు. పాశ్చాత్య దేశాలను మట్టి కరిపించేందుకు ప్రపంచవ్యాప్తంగా, ముఖ్యంగా సిరియాలోని ముజాహిద్దీన్లంతా ఏకం కావాలంటూ తాజాగా విడుదల చేసిన ఓ ఆడియా టేప్‌-లో హమ్జా పిలుపునిచ్చాడు. ‘ఇస్లామిక్‌ ఉమ్మా (జాతి) అల్‌ శ్యామ్‌ (సిరియా)లోని జిహాదీపై దష్టిని కేంద్రీకరించాలి. ముజాహిద్దీన్లందరినీ ఏకం చేయాలి. నేడు ముస్లిం ప్రపంచానికి వ్యతిరేకంగా మొత్తం ప్రపంచం ఏకమైంది. ఈ తరుణంలో విభేదాలకు, వివాదాలకు ఆస్కారం ఇవ్వరాదు. కలిసికట్టుగా పోరాడాలి’ అని హమ్జా పిలుపునిచ్చాడే. తన తండ్రికి ఇష్టమైన కవితతో హమ్జా తన సందేశాన్ని ప్రారంభించాడు.
పాకిస్తాన్‌-లోని అబ్బోటాబాద్‌-లో అమెరికా కమాండో ఆపరేషన్లో తన తండ్రి ఒసామా బిన్‌ లాడెన్ హతమైన ఐదేళ్ల తర్వాత హమ్జా తొలిసారి లేదా రెండోసారి జిహాదీలను ఉద్దేశించి సందేశం ఇచ్చాడు. గత సంవత్సరం ఆగస్టు నెలలో హమ్జా పేరిట ఒక ఆడియో సందేశం విడుదలైంది. అది అతని సందేశం కాకపోవచ్చనే వార్తలు అప్పట్లో వెలువడ్డాయి. అప్పటి ఆ సందేశం కూడా పెద్దగా ప్రభావం చూపించలేదు. సిరియాలోని జిహాదీలంతా ఏకం కావాలంటూ ఒసామా బిన్‌ లాడెన్-కు కుడిభుజంగా వ్యవహరించిన అల్‌ జవహరి శనివారం సందేశం ఇచ్చిన అనంతరం హమ్జా సందేశం కూడా విడుదల కావడం వల్ల నాయకత్వంవైపు హమ్జా అగుగులు వేస్తున్నట్లు విశ్లేషకులు భావిస్తున్నారు.
అబ్బోటాబాద్‌ ఆపరేషన్లో తండ్రి ఒసామాతో పాటు హమ్జా బిన్‌ లాడెన్ కూడా మరణించాడని ముందుగా అమెరికా భావించింది. అయితే హమ్జాకు బదులుగా ఖలీద్‌ అనే మరో కొడుకు మరణించినట్లు తెలిసింది. ఆ ఆపరేషన్‌ సందర్భంగా హమ్జా అప్పుడు ఆ ఇంట్లో ఉండి, తప్పించుకొని పారిపోయాడా? లేక ఆ సమయంలో అక్కడ లేకుండా మరెక్కడైనా ఉన్నాడా? అనే విషయం ఇప్పటికీ మిస్టరీనే. తన అనంతరం హమ్జానే వారసుడు కావాలని ఒసామా బిన్‌ లాడెన్ కోరుకున్నాడని, అందులో భాగంగా హమ్జాకు నాయకత్వ లక్షణాలపై శిక్షణ కూడా ఇచ్చారని పాశ్చాత్య ఇంటెలిజెన్స్‌ వర్గాలు చెబుతున్నాయి.
సిరియాలోని ఇస్లామిక్‌ స్టేట్‌ టెర్రరిస్టులు అంతర్గత గొడవలు, పాశ్చాత్య సంకీర్ణ దళాల దాడుల్లో ఇటీవల తీవ్రంగా దెబ్బతిన్నారు. ఇస్లామిక్‌ స్టేట్‌ జిహాదీల తరఫున అల్‌-ఖైదా టెర్రరిస్టులు కూడా పోరాడుతున్న విషయం తెల్సిందే. ప్రస్తుత పరిస్థితుల్లో హమ్జా అల్‌-ఖైదా నాయకుడిగా తెర మీదకు వస్తే జిహాదీలకు కొత్త ఊపు వస్తుందని, అది అమెరికాకు పెను ముప్పుగా మారవచ్చవచ్చనేనది విశ్లేషకులు భావనగా ఉంది.
మనోహర్
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
