విజయసాయిరెడ్డి కారు ప్రమాదం

Posted: 05/10/2016 09:35 AM IST

వైసీపీ సీనియర్ నాయకుడు విజయ సాయిరెడ్డి ప్రయాణిస్తున్న కారు రోడ్డు ప్రమాదానికి గురైంది. ఏలూరులో ఓ ధర్నా కార్యక్రమంలో పాల్గొనేందుకు హైదరాబాద్ లోని శంషాబాద్ ఎయిర్ పోర్ట్ నుండి బయలుదేరడానికి వెళుతున్న దారిలో ఈ ప్రమాదం చోటుచేసుకుంది. ఈ ప్రమాదంలో విజయసాయిరెడ్డికి స్వల్ప గాయాలయ్యాయని సమాచారం. కాలికి గాయాలయ్యాయని,చ అపోలో ఆస్పత్రికి తరలించి చికిత్స చేస్తున్నారు. ఎలాంటి ఆందోళన చెందాల్సిన అవసరం లేదని డాక్టర్లు ప్రకటించారు. ప్రమాదంలో విజయసాయిరెడ్డితో పాటు వైసీపీ నేతలు దుర్గా ప్రసాదరావు, దశరధ్ రెడ్డి, డ్రైవర్ కు స్వల్పగాయాలయ్యాయి. వర్షం కారణంగా కారు అదుపుతప్పినట్లు సమాచారం. ఔటర్ రింగ్ రోడ్డులో ఈ ప్రమాదం చోటుచేసుకుంది. కాకపోతే ఈ ప్రమాదంలో కారు మాత్రం బాగా దెబ్బతినిందని తెలుస్తోంది.