వాహనదారుల జేబులకు మళ్లీ చిల్లు..

Posted: 05/01/2016 10:54 AM IST

వాహనదారుల జేబులకు మరోమారు చిల్లులు పెడుతూ కేంద్ర ఇంధన శాఖ నిర్ణయం తీసుకుంది.  అంతర్జాతీయంగా ముడి చమురు ధరలు పెరగడంతో.. పెట్రోల్‌, డీజిల్‌ ధరలను భారీగా పెంచుతూ చమురు సంస్థలు నిర్ణయం తీసుకున్నాయి. క్రితం రోజు రాత్రి నుంచి పెంచిన ఇంధన ధరలు పెరిగాయి. పెట్రోలుపై లీటరుకు రూపాయి తొమ్మిది పైసలు..1.09, డీజిల్‌పై లీట రుకు రెండు రూపాయల 94 పైసలు పెంచుతూ నిర్ణయం తీసుకున్నారు.

ఇండియన్ ఆయిల్ కార్పొరేషన్ తో ఇంధన శాఖ జరిపిన చర్చల అనంతరం ఈ మేరకు పెంపుకు అనుమతిస్తూ నిర్ణయం తీసుకుంది. అంతర్జాతీయంగా డాలర్‌తో రూపాయి మారకవిలువలో మార్పుల వల్ల  ధరలు పెరిగాయంది. ఢిల్లీలో పెట్రోల్  రూ. 61.13 నుంచి రూ. 62.19, డీజిల్ రూ.48.01 నుంచి రూ. 50.95కి పెరిగింది. ఏప్రిల్ 16న స్వల్పంగా పెట్రో ధరలను తగ్గించిన విషయం తెలిసిందే. కాగా ఏదో కారణాలు చెబుతూ కేంద్రం నిత్యం ఇంధన ధరలను పెంచుతూనే వుందని, ఈ క్రమంలో కనీసం పెంచిన ఎక్సైజ్ పన్నుశాతాన్ని కేంద్రం తగ్గించవచ్చు కదా అని వాహనదారులు గగ్గోలు పెడుతున్నారు.

మనోహర్