హోళీ మీద దియామీర్జా వివాదాస్పద వ్యాఖ్యలు

Posted: 03/23/2016 01:48 PM IST

హోళీ.. దేశవ్యాప్తంగా ఎంతో రంగరంగ వైభవంగా సాగుతుంటే ఓ బాలీవుడ్ భామ మాత్రం దీని మీద వివాదాస్పద వ్యాఖ్యలు చేసింది. నన్ను హిందు వ్యతిరేకి అని అన్నా పర్లేదు అని మొదట ట్వీట్ చేసి తర్వాత మాత్రం క్షమాపణలు చెప్పింది. "కరువుతో ఓ పక్క రైతులు ఆత్మహత్యలు చేసుకుంటుంటే.. ప్రజలు హోలీ ఆట కోసం నీటిని వృధా చేస్తున్నారు. ముందుకు వెళ్దాం పదండి. యాంటీ-హిందూగా పిలవండి" అని గత బుధవారం హిందీ కథానాయిక దియా మిర్జా ట్వీట్ చేసింది. ఈ ట్వీట్ అంతర్జాలంలో పెద్ద దుమారమే సృష్టించింది. పలువురు దియాపై విరుచుకుపడ్డారు.

The irony of the times we live in: farmers commit suicide due to drought and people waste water to 'play' #Holi.Go ahead call me anti-Hindu.

— Dia Mirza (@deespeak) 16 March 2016

దాంతో దియా మీర్జా దీని మీద వివరణ ఇచ్చింది. "నాకు అన్ని మతాలు, ఆచారాలు, పండుగల మీద విశ్వాసం ఉంది. ఓ వర్గం మనోభావాలను కించపరచాలనే ఉద్దేశం ఎంత మాత్రం లేద"ని చెప్పింది. నీటి కొరత కారణంగా మహారాష్ట్రలో రైతులు ఎంత తీవ్రమైన కష్టాలను ఎదుర్కొన్నారో.. దియా వివరించింది. "నీటి సంరక్షణ అనేది మన తక్షణ కర్తవ్యం. అందరికీ నా విన్నపం ఏంటంటే.. ఆచారాలను గౌరవిస్తూ.. డ్రై హోలీ జరుపుకుందామ"ని దియా మిర్జా కోరింది. తన వ్యాఖ్యలు ఎవరినైనా బాధించి ఉంటే క్షమించాలని కోరింది.