22 ఏళ్లకే పోలీసులను కొట్టిన జగన్..!

Posted: 03/14/2016 03:33 PM IST

ఏపి అసెంబ్లీలో మాటల తూటాలు పేలుతున్నాయి. అవిశ్వాస తీర్మానానికి తెర తీసిన వైసీపీ పార్టీ అధినేత జగన్ చంద్రబాబు నాయుడు మీద, చంద్రబాబు నాయుడు మీద విమర్శలు చేసిన జగన్ మీద బోండా ఉమాలు తీవ్ర వ్యాఖ్యలు చేశారు. వైయస్ జగన్ ఏపీ అసెంబ్లీలో పలు ఆసక్తికర వ్యాఖ్యలు చేశారు. టీడీపీ సభ్యులు తన మనసుకు కష్టం కలిగించే విధంగా ఎన్నో మాట్లాడారని జగన్ చెప్పారు. పరిటాల రవీంద్ర హత్య కేసుకు సంబంధించి అధికార పార్టీ సభ్యులు తనపైన అసత్య ఆరోపణలు చేస్తున్నారని జగన్ చెప్పుకొచ్చారు. తనపైన చేసిన ఆరోపణలు నిజమైతే జేసీ దివాకర్ రెడ్డిని పార్టీలో ఎలా చేర్చుకున్నారని ఆయన ప్రశ్నించారు. తన ప్రవర్తన గురించి నిరాధారమైన ఆరోపణలు చేస్తున్నారని చెప్పారు. పరిటాల రవి కేసుకు సంబంధించి కోర్టు తీర్పు కూడా ప్రకటించిందని, నిందితులెవరో తేలిన తర్వాత కూడా తనపై అర్థం లేని ఆరోపణలు చేస్తున్నారని అధికార పక్ష సభ్యులపై జగన్ మండిపడ్డారు. వంగవీటి రంగాను చంపించింది చంద్రబాబేనని స్వయాన అప్పటి క్యాబినెట్‌లో మంత్రిగా ఉన్న హరిరామజోగయ్య పుస్తకంలో రాశారని జగన్ చెప్పారు.

తొలి నుంచి జగన్ ది నేర చరిత్రేనని ఎద్దేవా చేశారు. కడప జిల్లా సింహాద్రిపురం పోలీస్ స్టేషన్ పై 22 ఏళ్ల వయసులోనే దాడి చేసి పోలీసులపై చేయి చేసుకున్నారని బొండా ఉమా ఆరోపించారు. ఈ మేరకు జగన్ పై కేసులు కూడా నమోదయ్యాయని ఆయన చెప్పారు. అంతేకాకుండా సదరు ఘటనకు సంబంధించి ఆధారాలను కూడా ఆయన ప్రదర్శించారు. తుని విధ్వంస ఘటన వెనక జగన్ ఇలాకా పులివెందుల నుంచి వచ్చిన రౌడీలే కారణమని ఆయన సంచలన వ్యాఖ్యలు చేశారు.